Joothatheruvu

Book Name in Malayalam : ജൂതത്തെരുവ്

കറുപ്പു നിറമുള്ള സ്തനകഞ്ചുകങ്ങളുടെ പിന്നാമ്പുറക്കുടുക്കുകള്‍ സ്വന്തം കൈവിരലുകളില്‍ അഴിച്ചെടുക്കുമ്പോള്‍ മേനിയില്‍ ഹസൈനാരുടെ വിരല്‍ത്തുമ്പുകള്‍ സ്പര്‍ശിക്കുകയുണ്ടായില്ല. ഒരു കൊച്ചു കുട്ടിയുടെ വസ്ത്രം ഊരിക്കൊടുക്കുന്ന ലാഘവത്തോടെയാണ് ഹസൈനാര്‍ അതു നിര്‍വഹിച്ചത്.
എങ്കിലും മേനിയാസകലം കോരിത്തരിപ്പിന്റെ അനുരണനങ്ങള്‍ അഗ്നിതരംഗങ്ങളായി കുത്തിയൊലിച്ചതായി ഫ്രീഡയ്ക്കു തോന്നി. അവള്‍ മിഴികളിറുകെ പൂട്ടി. അഴിഞ്ഞു വീണ മാര്‍ശീലയുടെ മുക്തിയില്‍ ത്രസിച്ച സ്വര്‍ണ്ണക്കുടങ്ങള്‍ ഹസൈനാര്‍ക്കു സംതൃപ്തി നല്‍കുന്നവയാണൊയെന്നറിയാന്‍ ഫ്രീഡ അദ്ദേഹത്തിനു നേര്‍ക്കു തിരിഞ്ഞു.