ഒരിടം

Book Name in English : Oridam

കൊളോണിയൽ കാലത്തിൻ്റെ കഥകളും ചരിത്രവും കൊടൈക്കനാലിലെ മണ്ണും മനുഷ്യരും ഈ നോവലിനെ മനോഹരമാക്കുന്നു. വില്ലിയുടെയും ലോറയുടെയും മറ്റു വിദേശീയരുടെയും ജീവിതം ഒരു നാടിന്റെ സംസ്‌കാരവുമായി ഇഴചേർന്നു കിടക്കുന്നതാണ്. ചരിത്രമാണ് അതിന്റെ പശ്ചാത്തലം.
കോടമഞ്ഞ് മറ നീക്കി ദൃശ്യം തെളിയുന്നതു പോലെ ഇതൾ വിരിയുന്ന കഥ ഈ നോവലിന്റെ രചനാ ശിൽപ്പത്തെ മിഴിവുറ്റതാക്കുന്നു. ചരിത്ര വസ്തു‌തകളുടെയും കാലഗണനയുടെയും കൃത്യത ഈ കൃതിയുടെ രചനയ്ക്കായി നടത്തിയ ഗവേഷണങ്ങളെ വെളിപ്പെടുത്തുന്നതാണ്. മൂന്നര പതിറ്റാണ്ട് കാലത്തെ മൗനത്തിനു ശേഷം രമാദേവി വെള്ളിമന എന്ന എഴുത്തുകാരി വീണ്ടും വായനക്കാരുടെ മുന്നിലേക്ക് എത്തുകയാണ് ഒരിടം എന്ന ഈ നോവലിലൂടെ.