ഗോൾഡൻ റോഡ്

Book Name in English : Golden Road

പുരാതന ലോകത്തിന്റെ വിസ്മരിക്കപ്പെട്ട ഹൃദയമായിരുന്നു ഇന്ത്യ. ഒന്നര സഹസ്രാബ്ദത്തോളം കാലം, വൈവിധ്യമാർന്ന ഒരു നാഗരികതയുടെ ആത്മവിശ്വാസമുള്ള കയറ്റുമതിക്കാരായിരുന്ന ഇന്ത്യ, തനിക്കുചുറ്റും ആശയങ്ങളുടെ ഒരു വലിയ സാമ്രാജ്യം തന്നെ കെട്ടിപ്പടുത്തു. ചുവപ്പുകടൽ മുതൽ പസഫിക് വരെ നീണ്ടുകിടന്ന ഒരു ’സുവർണ്ണ പാത’യിലൂടെ ഭാരതീയ കലകൾ, മതങ്ങൾ, സാങ്കേതികവിദ്യ, ജ്യോതിശാസ്ത്രം, സംഗീതം, നൃത്തം, സാഹിത്യം, ഗണിതം, പുരാണങ്ങൾ എന്നിവ ലോകമെമ്പാടും പുതിയ വഴികൾ വെട്ടിത്തുറന്നു. പുരാതന യുറേഷ്യയുടെ ഹൃദയഭാഗമെന്ന നിലയിൽ ഇന്ത്യക്കുണ്ടായിരുന്ന, പലപ്പോഴും വിസ്മരിക്കപ്പെട്ടുപോയ ആ സ്ഥാനത്തെ ഉയർത്തിക്കാട്ടാൻ വില്യം ഡാൽറിമ്പിൾ തന്റെ ജീവിതകാലം മുഴുവൻ നീണ്ട ഗവേഷണങ്ങളെ പ്രയോജനപ്പെടുത്തുന്നു. ലോകത്തിലെ ഏറ്റവും വലിയ ഹൈന്ദവ ക്ഷേത്രമായ അങ്കോർ വാട്ട് മുതൽ ചൈനയിലെ ബുദ്ധമതം വരെയും, റോമൻ സാമ്രാജ്യത്തിന്റെ സാമ്പത്തിക അടിത്തറയെ സഹായിച്ച വ്യാപാരം മുതൽ ഇന്നു നമ്മൾ ഉപയോഗിക്കുന്ന പൂജ്യം ഉൾപ്പെടെയുള്ള സംഖ്യാസമ്പ്രദായം വരെയും ഇന്ത്യ അതിന്റെ പുരാതന ലോകത്തിന്റെ സംസ്കാരത്തെയും സാങ്കേതികവിദ്യയെയും പരിവർത്തനം ചെയ്തു, ഒപ്പം ഇന്ന് നമ്മൾ കാണുന്ന ഈ ആധുനിക ലോകത്തെയും.