ഗ്യാങ്സ്റ്റർ സ്റ്റെയ്‌റ്റ്

Book Name in English : Gangster State

ഇന്ത്യയിലെ കമ്മ്യൂണിസ്റ്റ് രാഷ്ട്രീയത്തിന്റെ അപചയങ്ങൾ ആഴത്തിൽ പഠന വിധേയമാക്കുന്ന ക്ലാസിക്കൽ രചന. വിശ്വാസ ഭ്രാന്തിൽ യുവാക്കളെ തളച്ചിടുന്നതും കാമ്പസുകൾ പിടിച്ചടക്കുന്നതും പാർട്ടിഗ്രാമങ്ങൾ സൃഷ്ടിക്കുന്നതുമായ, കേരളത്തിന് ചിരപരിചിതമായ ഇടത് കാപട്യങ്ങളുടെ തുറന്നെഴുത്ത്. മലയാളികൾ ഗാങ്സ്റ്റർ സ്റ്റെയ്റ്റ് ഏറ്റെടുക്കും.
-കെ. സി വേണുഗോപാൽ, MP
’ബംഗാളിലെ പുകൾപെറ്റ രാഷ്ട്രീയ പാർട്ടിയെ കുറിച്ചുള്ള ഈ വ്യക്തിഗത വിവരണം ഒരേസമയം പ്രോജ്ജ്വലവും പിടിച്ചിരുത്തുന്നതുമാണ്. സി പി ഐ (എം) ൻ്റെയും ബംഗാൾ രാഷ്ട്രീയത്തിന്റെയും ചരിത്രം പൊതുവിൽ ഏറെ നന്നായി മനസ്സിലാക്കാൻ ആഗ്രഹിക്കുന്നവർ അവശ്യം വായിച്ചിരിക്കേണ്ടത്’
- രൂപം ഇസ്‌ലാം (ഗാനരചയിതാവ്, ഗ്രന്ഥകാരൻ)
’നിഗൂഢവിസ്‌മയമായ ഇന്ത്യൻ രാഷ്ട്രീയ ശക്തികളിൽ ഒന്നിനെക്കുറിച്ച് കാച്ചിക്കുറുക്കിയ ശൈലിയിൽ എഴുതിയ ഒരു ഒന്നാംതരം കൃതി. ബംഗാളിലെ ഇടതുപക്ഷത്തെ കുറിച്ചുള്ള ഭൗമിക്കിൻ്റെ ക്ളാസിക്കൽ പഠനമാണിത്’
- ആകാർ പട്ടേൽ (ഗ്രന്ഥകാരൻ, കോളമിസ്റ്റ്)
’ഒരു നോവലിന്റെ രചനാ സൗഷ്‌ഠവത്തോടെ ആരെയും പിടിച്ചിരുത്തുന്ന ശൈലിയിൽ രചിക്കപ്പെട്ട കഥേതര കൃതിയാണ് ഗ്യാങ്സ്റ്റർ സ്റ്റെയ്‌റ്റ്. പശ്ചിമ ബംഗാളിലെ പ്രക്ഷുബ്ധമായ രാഷ്ട്രീയത്തിലേക്കു ചുഴിഞ്ഞിറങ്ങുന്ന മാധ്യമ പ്രവർത്തകൻ സൗർജ്യ ഭൗമിക്കിന്റെ അവിസ്മ‌രണീയ രചന. വരാൻ പോകുന്ന അസംബ്ളി ഇലക്ഷൻ്റെ പശ്ചാത്തലത്തിൽ തീർത്തും വായിക്കേണ്ടത്’
-ശശി തരൂർ (ഗ്രന്ഥകാരൻ, പാർലമെൻ്റ് അംഗം)
’പാർട്ടിയിൽ നിന്നുള്ള ഒരാൾ തന്നെ സ്വയം വിമർശനപരമായി എഴുതിയ കൃതി എന്ന നിലയിൽ വേറിട്ടു നിൽക്കുന്ന രചനയാണ് ഗ്യാങ്സ്റ്റർ സ്റ്റെയ്റ്റ്’
- മലയാള മനോരമ