ഡോ. പ്രയോജനൻ കഥകൾ

Book Name in English : Dr.Prayojanan Kathakal

വെളിച്ചത്തരികളുമായാണ് ഈ സമാഹാരത്തിലെ കഥകൾ നമുക്കുചുറ്റും പറക്കുന്നത്. മിന്നാമിന്നികൾ പോലെ അവ വായനക്കാരൻ്റെ ചുറ്റും പറന്നുല്ലസിക്കുന്നു. മോഹങ്ങളും സ്വപ്‌നങ്ങളും നിരാശകളും രോഗങ്ങളും പ്രതീക്ഷകളുമുള്ള മനുഷ്യമനസ്സുകളാണ് മിന്നാമിനുങ്ങിന്റെ നുറുങ്ങുവെട്ടമുണ്ടാക്കുന്നത്. നർമ്മസല്ലാപത്തിലൂടെ ഇവയെ തനിക്കുചുറ്റും പറന്നുല്ലസിക്കാൻ പ്രേരിപ്പിക്കുകയും ആശ്വസിപ്പിക്കുകയും ചെയ്യുന്ന ഒരു ഡോക്ടറും കൂട്ടരുമുണ്ടാക്കുന്ന സൗഹൃദാങ്കണമാണ് ഇവിടെ വായനക്കാർക്ക് ഹരമാകുന്നത്. നാട്ടിൻപുറത്തെ മനുഷ്യരും അവരോടൊപ്പം ജീവിക്കുന്ന ഡോക്ടറും തമ്മിലുള്ള പാരസ്‌പര്യത്തിൻ്റെയും വിശ്വാസത്തിന്റെയും ഹൃദ്യമായ പ്രതിസ്‌പന്ദനമാണ് ഓരോ കഥകളിലും തുടിക്കുന്നത്. ഇളനീർ കുടിക്കുന്ന സുഖവും മധുരവും കുളിർമ്മയും പ്രദാനം ചെയ്യുന്ന, കാമ്പും രുചിയും പോഷകവുമുള്ള കഥകളാണ് ഈ സമാഹാരത്തിലുള്ളത്.
--പി.കെ. ഭരതൻ