പോസ്റ്റര്‍ കീറുന്നവരുടെ ശ്രദ്ധക്ക്

Book Name in English : Poster Keerunnavarude Sradhaykku

സങ്കീര്‍ണമായ ലോകത്തിന്റെയും ജീവിതാനുഭവങ്ങളുടയും അകം ലോകത്തെ അനാവരണം ചെയ്യാന്‍ ശ്രമിക്കുന്ന കവിതകള്‍ . ഈ കവിതകള്‍ നമുക്കു സുപരിചിതമായ ഗ്രാഫുകളെ മായിച്ച് അസാധാരണവും വിചിത്രവുമായ വിന്യാസങ്ങളിലെത്തിച്ചേരുന്നു. ഈ ശ്രമത്തിനിടയില്‍ കാവ്യബിംബങ്ങളും ശിഥിലമായ് തീരുന്ന കാഴ്ച്കകളും ചില കവിതകളില്‍ കാണാം. എങ്കിലും അവയെല്ലാം പറയാന്‍ ശ്രമിക്കുന്നതു ഒരു ശരാശരി മലയാളിയുടെ ദൈനംദിന ജീവിതത്തിന്റെ വേദനകളും അനുഭവ രാശികളുമാണ്. രചനകളില്‍ കാണുന്ന ഒരു ഗ്രാമീണന്റെ സഹജമായ ആര്‍ജ്ജവവും, ഗ്രാമീണപ്രകൃതിയുടെ തനതുലോകവും ഈ കവിതകളെ മാറ്റിനിര്‍ത്തുന്നു.