ലൂപ്പ്

Book Name in English : Loop

പതിനെട്ടു വർഷങ്ങൾക്ക് ശേഷം തൻ്റെ പഴയ അധ്യാപകനായ നാരായണൻ മാഷിൻ്റെ ഡയറിക്കുറിപ്പുകളിലൂടെ വിനയൻ എത്തിച്ചേരുന്നത് സത്യമംഗലം കാടുകൾക്ക് താഴെയുള്ള അയ്യമ്പട്ടി എന്ന ഗ്രാമത്തിലാണ്.ടിപ്പു സുൽത്താന്റെ പടയോട്ടക്കാലവും, ശിവപ്പ ഗൗണ്ടറുടെയും പഴനിമലയുടെയും ശാപഗ്രസ്‌തമായ ചരിത്രവും ഉറങ്ങിക്കിടക്കുന്ന ആ മണ്ണിൽ വിനയനെ കാത്തിരുന്നത് വിശദീകരിക്കാനാവാത്ത ദുരൂഹതകളായിരുന്നു. നാം ഒരു വഴി തെരഞ്ഞെടുക്കുകയല്ല, മറിച്ച് ആ വഴി നമ്മെ അങ്ങോട്ട് വലിച്ചെത്തിക്കുകയാണെന്ന് വിനയൻ തിരിച്ചറിയുന്നു.തിരിച്ചു പോകണമെന്ന ആഗ്രഹം ഒരു മിഥ്യയായി മാറി, കാലത്തിന്റെ ഒരു ’ലൂപ്പ്’ അവനെ പൂർണ്ണമായും ചുറ്റിപ്പിടിക്കുന്നു. ഈ അജ്ഞാത ഭൂമികയിൽ അവൻ കണ്ടുമുട്ടുന്ന സംഗമി എന്ന പെൺകുട്ടി - അവൾ ഈ രഹസ്യത്തിൻ്റെ താക്കോലാണോ, അതോ അവനെ എന്നെന്നേക്കുമായി തളയ്ക്കുന്ന കുടുക്കോ?