സംഘപഥത്തില നാരായണം

Book Name in English : Sanghapadhathile Narayanam

ഞാനറിയുന്ന നാരായൺജിയുടെ ജീവിതവിക്ഷണം മുഖ്യമായും ഒരു കാർട്ടൂണിസ്റ്റിന്റേതാണ്. നർമ്മവും പരിഹാസവും അതിന്റെ മുഖ്യഘ ടകങ്ങളാണ്. അവയുടെ കണ്ണിൽക്കൂടിയല്ലാതെ അദ്ദേഹത്തിന് ലോ കത്തെയും അതിലെ മനുഷ്യരെയും നോക്കി കാണാൻ സാധ്യമല്ല. വരകളിലെ കാർട്ടൂണിസ്റ്റ് നമുക്ക് നഷ്ടപ്പെട്ടെങ്കിലും എഴുത്തുകളിലൂടെ ആ സമ്പത്ത് ധാരാളമായി നമുക്ക് കിട്ടിയിട്ടുണ്ട്. കിട്ടിക്കൊണ്ടിരിക്കു ന്നുമുണ്ട്. നാരായൺജിയുടെ എഴുത്തുകൾ ലേഖനങ്ങൾ ഇന്ന് കേര ളീയർക്ക് പ്രത്യേകിച്ചും സംഘവൃത്തങ്ങളിലുള്ളവർക്ക് നിത്യേന എന്നോണം സുപരിചിതമാണ്. അതിൽ മറ്റുള്ളവരെപ്പോലെ തന്നെ എന്നേയും ആകർഷിക്കുന്ന ഒരപൂർവ്വസിദ്ധി, അവയുടെ ലാളിത്യവും ശൈലീഭംഗിയും സുതാര്യതയുമാണ്. വളച്ചുകെട്ടോ ദുർഗ്രാഹ്യതയോ തൊട്ട് തെറിക്കാത്ത, ഇടതടവില്ലാതെ ഒഴുകുന്ന ജല പ്രവാഹം പോലെ കുളിർമ നൽകുന്നതാണിത്. വായിച്ചുതിർക്കാതെ താഴെ വയ്ക്കാൻ തോന്നാത്ത പ്രതിപാദനശൈലി, വ്യക്തികളും സംഭവങ്ങളും നമ്മുടെ കൺമുന്നിൽകൂടി സിനിമയിലെന്നതുപോലെ കടന്നുപോകും