മനസ്സിന്റെ ശരികൾ

Book Name in English : Manassinte Sarikal

പുറമെ ശാന്തമെന്നു തോന്നുമെങ്കിലും അങ്ങനെയായിരിക്കണമെന്നില്ല ജീവിതം. നിർവചിക്കാനാവാത്ത നിരവധി
വൈകാരികവിക്ഷോഭങ്ങളുടെ തിരയിളക്കം അതിന്റെ അഗാധതയിൽ കണ്ടെന്നു വരാം. അതും പേറിയുള്ള യാത്രയിൽ സ്നേഹവും അംഗീകാരവും കൊതിച്ചുപോവുക
സ്വാഭാവികം. അത്തരം മനസ്സുകളുടെ മിഴിവാർന്ന വർണ്ണചിത്രങ്ങളാണ് ശ്രീമതി റജീന സജീവിന്റെ ’മനസ്സിന്റെ ശരികളിൽ നിറഞ്ഞു പ്രകാശിക്കുന്നത്. “ ഡോ. ജോർജ് ഓണക്കൂർ
“ ആഖ്യാനത്തിലേയും പ്രമേയത്തിലേയും വൈവിദ്ധ്യമാണ് റജീന സജീവിന്റെ കഥകളുടെ പ്രത്യേകത. നറേഷനിലെ സൂക്ഷ്മതയും ഏറെ വിശദാംശങ്ങളിലേക്ക് പോകാതെ തന്നെ വായനക്കാരുടെ
ഉള്ളിലേക്ക് കയറാൻ സാധിക്കുന്ന കഥാപാത്രസൃഷ്ടിയും ഈ കഥകളെ വേറിട്ട് നിർത്തുന്നു. ചെറുതായിരിക്കുക, സുന്ദരമായ ഭാഷയുണ്ടായിരിക്കുക എന്നതൊക്കെ
നല്ല കഥകളുടെ ലക്ഷണമാണ്. തീർച്ചയായും നല്ല കഥകളാണ് ഈ സമാഹാരത്തിലേത്.
എസ്.ഹരീഷ്