Aaram Thirumurivu

Book Name in Malayalam : ആറാം തിരുമുറിവ്

മനുഷ്യവംശത്തിന്റെ ഏകാന്ത ഭൂമികയില്‍ നിന്ന് കഥകള്‍ തേടിപ്പോകുന്ന ഒരാളെ ഞാനീ കഥകളില്‍ കാണുന്നുണ്ട്. ജീവിതത്തിന്റെ രുചികള്‍ കൊണ്ട് സ്വാദിഷ്ടവും സമ്പന്നവുമാക്കപ്പെട്ട കഥകള്‍..



ഈ കഥകളുടെ ആഖ്യാനം, പറയുന്ന ശൈലി, അതിന്റെ ഉള്‍സ്വരങ്ങള്‍ ഒക്കെ വളരെ ലളിതവും മനോഹരവുമാണ്. എനിക്ക് പ്രിയപ്പെട്ടവനും സഹോദര തുല്യനുമായ ഗോപനെഴുതിയ ആറാം തിരുമുറിവ് എന്ന കഥാസമാഹാരം വായനക്കാര്‍ക്ക് എന്നും ഒരു മുതല്‍ക്കൂട്ടായിരിക്കും.

വായിക്കുന്ന ഒരാള്‍ക്കും കഥയില്‍ നിന്ന് മാറിനില്‍ക്കാനാവില്ല എന്ന ദര്‍ശനം തരുന്നതാണ് ഈ സമാഹാരത്തിലെ ഓരോ കഥകളും എന്ന് ഹൃദയപൂര്‍വ്വം എനിക്ക് സാക്ഷ്യപ്പെടുത്താന്‍ കഴിയും.

*വേണു കുന്നപ്പിള്ളി*



നിരീക്ഷണത്തിന്റെ കൃത്യതയിലൂടെയും ആഖ്യാനത്തിന്റെ ശ്രദ്ധാപൂര്‍വമായ വാസ്തുവിദ്യയിലൂടെയും സാധാരണമായതിനെ അസാധാരണമായതിലേക്ക് രൂപാന്തരപ്പെടുത്തല്‍. അതാണ് ഗോപകുമാറിന്റെ എല്ലാ കഥകളിലും ഞാന്‍ കണ്ടത്. പറഞ്ഞതിനും പറയാതെ അവശേഷിപ്പിച്ചതിനും ഇടയിലുള്ള നിഴലുകളില്‍ നിലനില്‍ക്കുന്ന വികാരങ്ങള്‍.

അവ സ്വയം വിശദീകരിക്കുകയോ അവയുടെ അവ്യക്തതകള്‍ക്ക് ക്ഷമാപണം നടത്തുകയോ ചെയ്യുന്നില്ല.



വ്യത്യസ്ത കണ്ണുകളിലൂടെ ലോകത്തെ കാണാനും, വ്യത്യസ്ത ബോധങ്ങളില്‍ വസിക്കാനും മനുഷ്യ ചിന്തയുടെയും വികാരത്തിന്റെയും അസാധാരണ പരിധി അനുഭവിക്കാനുമുള്ള ക്ഷണമാണ് ഈ കഥകള്‍ മുന്നോട്ട് വയ്ക്കുന്നത്.

*പ്രിയ ജോസഫ്*