ഗ്രീഷ്മമാപിനി

Book Name in English : Greeshmamapini

മണ്ണും മനുഷ്യരും പ്രകൃതിയും പ്രത്യയശാസ്ത്രവും എല്ലാം ഉള്‍പ്പെട്ട ഉര്‍വ്വരവും പ്രഫുല്ലവുമായ ഒരു ജൈവഘടനയെക്കുറിച്ചുള്ള സങ്കല്‍പ്പവും സാദ്ധ്യതയുമാണ് ഈ എഴുത്തുകാരന്‍ വായനക്കാരുമായി പങ്കിടാന്‍ ആഗ്രഹിക്കുന്നത്. ‘ഗ്രീഷ്മമാപിനി’യും, ആത്യന്തികമായി ഇതേ ജൈവികത തന്നെയാണ് ഉയര്‍ത്തിപ്പിടിക്കുന്നത്. പ്രത്യാശയുള്ളവരായിരിക്കാന്‍ മനുഷ്യരെ പ്രേരിപ്പിക്കുന്ന അടയാളങ്ങളൊന്നും ബാക്കിയില്ലാതെ നമ്മുടെ കാലത്ത് ‘ഗ്രീഷ്മമാപിനി’ വിളക്കും വെളിച്ചവുമാണ്.

പ്രത്യയശാസ്ത്രപ്രയോഗങ്ങളുടെ അപചയവും നേതൃത്വപരമായ ജീര്‍ണ്ണതയുംകൊണ്ട് ഏറക്കുറെ മൃതപ്രായമായ ഒരു രാഷ്ട്രീയ പ്രസ്ഥാനത്തെക്കുറിച്ചുള്ള ഒരു ബൗദ്ധികസംവാദമാണ് ഈ നോവല്‍. ഓര്‍മ്മകള്‍ ഭാരവും ബാദ്ധ്യതയുമാകുന്ന പ്രസ്ഥാനത്തെ ഓര്‍മ്മയുടെ അനുഭവപരതയും മാനുഷികതയുംകൊണ്ട് അടയാളപ്പെടുത്താനുള്ള ശ്രമം എന്ന് ‘ഗ്രീഷ്മമാപിനി’യെ വിശേഷിപ്പിക്കാവുന്നതാണ്.
– എന്‍. ശശിധരന്‍
രാഷ്ട്രീയ സമകാലികതയെ ചരിത്രവത്കരിക്കുന്ന ധീരവും നൂതനവുമായ നോവല്‍