ഇനി യാത്രയില്ല

Book Name in English : Ini Yathrayilla

ദേവന്മാരുടെ അനുഗ്രഹം ശാപപരീക്ഷണമായി മാറിയ സ്ത്രീത്വം. വിധിയുടെ കനത്ത പരീക്ഷണങ്ങളുടെ അഗ്നിജ്ജ്വാലകൾ നെഞ്ചിലേറ്റിയ മാതൃത്വം. അശ്വനദി പോലും സ്തംഭിച്ചുപോയ ഒരു നിമിഷമായിരുന്നു അത്. കുന്തി പതിതയാണെന്ന അറിവിന്റെ ശാപനിമിഷങ്ങളിൽനിന്നും പിന്നെ കുന്തിക്ക് ശാന്തി ലഭിക്കുകയുണ്ടായില്ല. പക്ഷേ ആ ശാന്തഭാവത്തിൽ നിന്നുയർന്നെണീറ്റ ശക്തിയായി യുദ്ധതന്ത്രങ്ങൾ മെനഞ്ഞ കുന്തിയുടെ ജീവിതമാണ് ഇനി യാത്രയില്ല എന്ന നോവലിന്റെ ഉൾബലം. കൊടുങ്ങല്ലൂർ കുഞ്ഞിക്കുട്ടൻ തമ്പുരാന്റെ മഹാഭാരത വിവർത്തനത്തെ ഉപജീവിച്ചെഴുതിയ നോവലിൽ കഥാപാത്രങ്ങളെയെല്ലാം സ്വന്തം കാഴ്‌ചപ്പാടിൽ വിശകലനം ചെയ്യുന്ന കുന്തിയുടെ മനസ്സ് വർത്തമാനകാലത്തിൻ്റെ അതിശയകരമായ താദാത്മ്യത്തിലൂടെയാണ് വായനക്കാരനു മുന്നിൽ അനാവരണം ചെയ്യപ്പെടുന്നത്.