കണ്ണാളോ-കേരളോ-ൽപത്തി - ആശാരി, മൂശാലി, തട്ടാൻ, കരുമാൻ -കണ്ണാളർ- എന്നീ തൊഴിൽക്കൂട്ടങ്ങളുടെ മൂലോൽപത്തി ചരിതം

Book Name in English : Kannaalo(keralo)alpathi

കേരളചരിത്രത്തിലെ ഒരു അവഗണിക്കപ്പെട്ട പൈതൃകത്തെ വെളിച്ചത്തിലേക്ക് കൊണ്ടുവരുന്ന അപൂർവ ഗ്രന്ഥമാണ് ഇത്. ആശാരി, മൂശാരി, തട്ടാൻ, കരുമാൻ എന്നീ തൊഴിൽഘട്ടങ്ങളുടെ ഉദ്ഭവചരിത്രം രേഖപ്പെടുത്തുന്ന 50 താളിയോലകളെ ആധാരമാക്കി തയ്യാറാക്കിയ ഈ കൃതി, പരമ്പരാഗത കേരളോൽപത്തി കഥകളിൽ നിന്ന് വ്യത്യസ്തമായൊരു ചരിത്രവായന മുന്നോട്ടുവയ്ക്കുന്നു. ബ്രാഹ്മണകേന്ദ്രീതമായ പുരാണ-ചരിത്ര വിവരണങ്ങളെ ചോദ്യം ചെയ്തുകൊണ്ട്, മകത്തൊഴിൽ സമൂഹങ്ങൾ സ്വയം രൂപപ്പെടുത്തിയ ഉദ്ഭവകഥകളാണ് ഇവിടെ പ്രധാനം. പരശുരാമൻ-പെരുമാൾ കഥാപരമ്പരയുടെ പശ്ചാത്തലത്തിൽ, തൊഴിൽസമൂഹങ്ങളുടെ സാമുഹിക സ്ഥാനം, അവകാശങ്ങൾ, ആത്മബോധം എന്നിവ എങ്ങനെ നിർമിക്കപ്പെട്ടുവെന്ന് ഈ ഗ്രന്ഥം വ്യക്തമാക്കുന്നു. വാമൊഴി-ലിഖിത പാരമ്പര്യങ്ങളുടെ ചരിത്രമുഖ്യം, ജാതി-തൊഴിൽബന്ധങ്ങൾ, സാമൂഹിക അധികാരഘടനകൾ എന്നിവയെക്കുറിച്ചുള്ള ഗൗരവമായ ചർച്ചകൾക്ക് വഴിയൊരുക്കുന്ന ഈ പുസ്തകം, കേരളചരിത്രത്തെ ബഹുസ്വരമായ സാമൂഹികചരിത്രമായി വായിക്കാൻ സഹായിക്കുന്ന ഒരു പ്രധാന രേഖയാകുന്നു