കേരളത്തിലെ ശിവസുതാലയങ്ങൾ

Book Name in English : Keralathile Sivasuthalayangal

കന്യാകുമാരിമുതൽ ഭാർഗ്ഗവഭൂവിൽ സ്ഥിതിചെയ്യുന്ന 400-ൽ പരം ക്ഷേത്രങ്ങളെക്കുറിച്ച് 1997 ലും 98 ലുമായി “കേരളത്തിലെ ക്ഷേത്രങ്ങൾ“ എന്ന പേരിൽ രണ്ടു പതിപ്പുകൾ പ്രസിദ്ധീകരിയ്ക്കുകയുണ്ടായി. അതിൽനിന്ന് തികച്ചും വ്യത്യസ്‌തമായവിധത്തിലാണ് “ശിവസുതാലയങ്ങൾ“ തയ്യാർ ചെയ്തിട്ടുള്ളത്. മഹാദേവപുത്രന്മാരായ ഗണപതി, സുബ്രഹ്മണ്യൻ, ധർമ്മശാസ്താവ്, ഹനുമാൻ, വേട്ടയ്ക്കൊരുമകൻ എന്നീ ദേവന്മാരുടെ പേരിൽ വിഖ്യാതമായിട്ടുള്ള സന്നിധാനങ്ങൾ മാത്രമാണിതിൽ ഉൾപ്പെടുത്തിയിട്ടുള്ളത്.
കഴിഞ്ഞ രണ്ടുപതിപ്പുകളും മലയാളക്കരയിലെ ക്ഷേത്രവിശ്വാസികൾ സ്വാഗതം ചെയ്തതുപോലെ ഇതും വിശ്വാസികൾക്ക് ഒരു മുതൽക്കൂട്ടായിരിയ്ക്കുമെന്ന് ഉറച്ചു വിശ്വസിയ്ക്കുന്നു.
തിരുവിതാംകൂർ - കൊച്ചി ദേവസ്വം ബോർഡ്, ഊരായ്മ ദേവസ്വം ബോർഡ്, എച്ച്.ആർ.ആന്റ്.സി.ഇ., സ്വകാര്യ ട്രസ്റ്റ്, സ്വകാര്യ വ്യക്തികൾ എന്നിങ്ങിനെ വിവിധ ഭരണസംവിധാനത്തിൻ കീഴിലുള്ള ക്ഷേത്രങ്ങളെല്ലാം ഇതിൽ ഉൾപ്പെടുത്തിയിട്ടുണ്ട്