കുടയത്തൂർ മുതൽ കുടപ്പനക്കുന്നു വരെ

Book Name in English : Kudayathoor Muthal Kudappanakunnu Vare

ഇടുക്കിയിലെ കുടയത്തൂർ എന്ന ചെറുഗ്രാമത്തിൽ നിന്നാരംഭിച്ച് തിരുവനന്തപുരം കുടപ്പനക്കുന്നിലെ ദൂരദർശൻകേന്ദ്രത്തിൽ പ്രോഗ്രാം എക്സിക്യൂട്ടീവായി വിരമിക്കുന്നതുവരെ നീളുന്ന ജീവിതയാത്രയുടെ പാദമുദ്രകളാണ് കെ.ജെ.വിത്സന്റെ ഈ ആത്മകഥ. സ്വതസിദ്ധമായ നർമവും ആത്മഹാസവും ചേർന്ന എഴുത്തിലൂടെ സ്വന്തം വിജയങ്ങളോടൊപ്പം ജീവിതത്തിലെ പരാജയങ്ങളെയും മറച്ചുവയ്ക്കാതെ തുറന്നുപറയുന്നു എന്നതാണ് ഈ ജീവിതമെഴുത്തിനെ സത്യസന്ധമാക്കുന്നത്. ഒറ്റയിരുപ്പിൽ വായിച്ചുതീർക്കാവുന്ന സരളവും തെളിമയുള്ളതുമായ ഭാഷയിൽ, ഒരു മനുഷ്യന്റെ ഉള്ളറകൾ തുറക്കപ്പെടുന്നതോടൊപ്പം മലയാളികളെ ടെലിവിഷൻ കാഴ്ചയിലേക്ക് കൈപിടിച്ചുനടത്തിയ ദൂരദർശന്റെ ആരംഭകാലഘട്ടത്തിൻ്റെ അടയാളപ്പെടുത്തലും കൂടിയായി മാറുന്നു ഈ ഓർമ്മയെഴുത്ത്. നാടകസംവിധായകൻ, സ്ക്രിപ്റ്റ്റൈറ്റർ, അഭിനേതാവ് എന്നിങ്ങനെ വ്യത്യസ്ത തുറകളിൽ ആർജിച്ച അനുഭവസമ്പത്ത് ഈ ജീവിതരേഖയ്ക്ക് ആന്തരബലം പകരുന്നു. ആസ്വാദ്യമായ അനുഭവക്കുറിപ്പ് എന്നതിനപ്പുറം മലയാള നാടക, ടെലിവിഷൻ ചരിത്രം പഠിക്കുന്നവർക്ക് ഒരു റഫറൻസ് ഗ്രന്ഥമായിമാറുകയും ചെയ്യുന്നുണ്ട് ഈ പുസ്തകം.