കുത്തിയോട്ടപ്പാട്ടുകൾ ഒരു പഠനം

Book Name in English : Kuttiyottapattukal Oru Padanam

ഗ്രാമീണസംസ്കൃതി നിലനിൽക്കുന്നത് മുഖ്യമായും ഇത്തരം കലാരൂപ ങ്ങളിലൂടെയാണ്. പൂർവ്വജീവിതാർത്ഥങ്ങളുടെ ബാഹ്യമായ പ്രതീകങ്ങൾ മാത്രമല്ല ഇത്തരം കലകൾ; അവയിൽ മനുഷ്യൻ്റെ മഹത്വവും ജീവിതസ മീപനവും അടങ്ങിയിരിക്കുന്നു. ഒരു കലാരൂപത്തെ ഇത്രയും സവിസ് രമായി, ആഴത്തിൽ പ്രതിപാദിക്കുന്ന പുസ്‌തകങ്ങൾ കുറവാണ്. ദൃശ്യമാ ധ്യമരംഗത്തുള്ള പ്രാഗത്ഭ്യവും ദൃശ്യകലയെക്കുറിച്ചുള്ള അവബോധവും കൈമുതലായുള്ള ഹരികുമാർ ഇളയിടത്ത് എഴുതുന്നത് വായനക്കാരെ ആകർഷിക്കും. അദ്ദേഹം ഭാഷയിൽ കൃത്യത പാലിക്കുന്നു. ചരിത്രജ്ഞാ നമാണ് മറ്റൊരു ഗുണം. കുത്തിയോട്ടപ്പാട്ടുകൾ ഒരു കാലഘട്ടത്തെ വര ച്ചിടുന്ന നല്ലൊരു പുസ്‌തകമാണ്, വിലപ്പെട്ട ഓർമ്മയാണ്.
- എം. കെ. ഹരികുമാർ / നിരൂപകൻ, കോളമിസ്റ്റ്
കുത്തിയോട്ടം എന്നപദത്തിൻ്റെ പ്രയോഗാർത്ഥം ഈ കലാരൂപത്തെക്കു റിച്ചു പഠിക്കാൻ ശ്രമിച്ചവർക്കൊക്കെ എന്നും ഒരു പ്രഹേളികയായിരു ന്നു. കുത്തിയോട്ടത്തിൻ്റെ പറഞ്ഞു പതിഞ്ഞ നിർവ്വചനത്തിൽനിന്നും വഴിമാറി പുതിയൊരു അർത്ഥതലം വിരചിച്ചെടുക്കാൻ ഗവേഷണപാട വത്തോടെയുള്ള ഗ്രന്ഥരചനയ്ക്കു കഴിഞ്ഞു എന്നത് ശ്ലാഘനീയമാണ്.
ഡോ. മധു ഇറവങ്കര / ചലച്ചിത്രകാരൻ, നിരൂപകൻ
കുത്തിയോട്ടം എന്ന അനുഷ്‌ഠാന കലയുടെ വേരുകളിലേക്കുള്ള ഒരു അന്വേഷണയാത്ര തന്നെയാണിത്; ഒരു ചരിത്രഗവേഷകൻ്റെ മാനദണ്ഡ ങ്ങൾ (Critical Tools) ഉപയോഗിച്ച് കുത്തിയോട്ടത്തിൻന്റെ പിറവി, വളർച്ച സമകാലീനത (Contemporaneity) എന്നിവ അദ്ദേഹം പഠനവിഷയമാക്കു ന്നു. ഒരു ശാസ്ത്രജ്ഞൻ്റെ തെളിഞ്ഞ യുക്തിബോധം ഈ പഠനത്തിന് അകമ്പടി സേവിക്കുന്നുണ്ട്. തൻ്റെ പഠനത്തിന് ആധികാരികത പകർ ന്നു നൽകാനായി ഭാഷാചരിത്രം ഉൾപ്പെടെ മറ്റു വിജ്ഞാന ശാഖകളെ അദ്ദേഹം ഉദ്ധരിക്കുന്നുണ്ട്. ശബ്ദങ്ങൾ കൊണ്ടു വർണ പ്രപഞ്ചം തീർ ക്കുന്ന ഈ ഗാനങ്ങളുടെ ചമയങ്ങൾ പ്രാസഭംഗി, ബിംബകൽപ്പനകൾ ഇവയിലേക്കെല്ലാം ലേഖകൻ്റെ ശ്രദ്ധ കടന്നു ചെല്ലുന്നുണ്ട്. കാലാന്തര ത്തിൽ കുത്തിയൊട്ടത്തിൻ്റെ വിഷയാതിർത്തി ഭേദിച്ചു കൊണ്ട് പുരാണ കഥകൾക്കൊപ്പം സാമുഹിക വിഷയങ്ങളും കടന്നുവരുകയും ചെയ്‌തു. ലേഖകന്റെ തെളിമയാർന്ന ഭാഷാശൈലി പകർന്നുതരുന്ന വായനാസു ഖം എടുത്തു പറയേണ്ട ഒന്നു തന്നെയാണ്.
- ഡോ. ആർ. ശിവദാസൻപിള്ള / എഴുത്തുകാരൻ