നിറമൊഴുകിപ്പടര്‍ന്ന ചിന്തകള്‍

Book Name in English : Niramozhukippadarnna Chinthakal

സർഗ്ഗാത്മകതയുടേയും സമർപ്പണത്തിൻ്റേയും ജീവിതാനുഭവങ്ങളുടേയും ലോകവീക്ഷണത്തിൻ്റേയും ഒരു നേർസാക്ഷ്യമാണ് ഈ സൃഷ്ടി ലളിതമായ ആഖ്യാനശൈലിയിലൂടെ വീടിനകത്തും പുറത്തും നടന്നുകൊണ്ടിരിക്കുന്ന ചെറുതും വലുതുമായ കാര്യങ്ങൾ ഉള്ളിൽ തട്ടുന്ന വിധത്തിൽ ആവി ഷ്കരിച്ചിരിക്കുന്നു എന്നു പറയാൻ സന്തോഷമുണ്ട്. ആത്മകഥാസ്‌പർശമുള്ള പല സംഭവങ്ങളുടേയും നിഴലാട്ടം പുസ്‌തകത്തിൽ കാണാം. അതോടൊപ്പം പരിസ്ഥിതിയോടുള്ള കൂറും ലോകവ്യവസ്ഥയിലെ മാറ്റങ്ങളും പുസ്ത‌കം ഉൾക്കൊണ്ടിരിക്കുന്നു.



ബിഷപ്പ് മാർ പോളി കണ്ണൂക്കാടൻ (ആശംസയിൽ)



’നിറമൊഴുകിപ്പടർന്ന ചിന്തകൾ’ എന്ന പുസ്‌തകത്തിൽ എനിക്ക് ഏറെ പ്രിയപ്പെട്ടത് ’കയ്യില്ലാത്ത ബ്ലൗസും കല്ലുവെച്ച മൂക്കുത്തിയും’ തന്നെയാണ്. സ്വപ്‌നസാഗരം മുഴുവനും മനസ്സിലൊതുക്കിയ ഒരുവളുടെ വിജയച്ചിരിയുണ്ടതിൽ. മോഹങ്ങൾ തല്ലിയൊതുക്കി പകയായി മാറുമായിരുന്ന ചില സംഗതികളെ സ്നേഹത്തിൻ്റെ അഷ്ടബന്ധം ചേർത്തുറപ്പിച്ച മാജിക് ഈ കുറിപ്പിൽ കാണാം. ബന്ധങ്ങൾക്ക് മോഹങ്ങളേക്കാൾ മൂല്യമുണ്ടെന്നും ഇഷ്ടങ്ങളിൽ ചിലത് നടന്നില്ലെങ്കിലും സന്തോഷം അപ്പാടെ ചോർന്നുപോകുന്നില്ലെന്നും ഈ കുറിപ്പു നമ്മെ ഓർമ്മിപ്പിക്കും.
ക്യാപ്റ്റൻ ലിറ്റി ചാക്കോ (അവതാരികയിൽ)