തലക്കനം തീർത്ത കരുത്ത്

Book Name in English : Thalakkanam Theertha Karuth

അത്താണിക്കൽ സുന്ദരൻ്റെ ’തലക്കനം തീർത്ത കരുത്ത്’ വ്യത്യ സ്സമായ വായനാനുഭവമാണ് നമുക്ക് തരുന്നത്. തലക്കനമെന്ന വാക്ക് നാം പതിവായി കേൾക്കുന്ന അനുഭവത്തിൻ്റെ പരിധിയിൽ വരുന്ന ഒന്നല്ല. മനുഷ്യജീവിതത്തിൽ അനുഭവിക്കേണ്ടിവരുന്ന രോഗാതുരമായ കാലം സമ്മാനിച്ച ദുരന്തങ്ങളുടെ ഓർമ്മപ്പെടുത്തലുകളാണത്. അതാണ് സുന്ദരന് കരുത്തായി മാറുന്നത്.
ഒന്നുമില്ലായ്മയിൽ നിന്നും പടുത്തുയർത്തിയ ഒരു ജീവിതം വെല്ലുവിളി കൾ ഏറെ ഉണ്ടാവുമ്പോഴും അതിനെ എല്ലാം നല്ല സമചിത്തതയോ ടെ അഭിമുഖീകരിക്കാനുള്ള തൻ്റേടം അദ്ദേഹത്തിനുണ്ടായിരുന്നു. ജീവിതം അവസാനിക്കുമെന്നറിഞ്ഞ സന്ദർഭങ്ങളിൽ പോലും ഒരിക്ക ലും പതറി പോകാതെ അതിനെയെല്ലാം അഭിമുഖീകരിച്ച സുന്ദരനെ ഞങ്ങൾ കണ്ടിട്ടുണ്ട്. സുന്ദരൻ എഴുത്തുകാരനല്ല. എന്നാൽ ഈ അനുഭവരചന തീവ്രാനുഭവങ്ങളെ ചാലിച്ച ഒരെഴുത്താണ്. ഇതിലൂടെ നാം കടന്നു പോകുമ്പോൾ നിസ്സഹായതയിൽ വേദനിക്കുന്ന മനുഷ്യ നെ നാം അറിയുന്നു. നിസ്സഹായത എങ്ങിനെയാണ് അദ്ദേഹത്തിന്റെ കരുത്താവുന്നുവെന്നും.