UPSC Enna Kodumudi Keezhadakkam

Book Name in Malayalam : UPSC എന്ന കൊടുമുടി കീഴടക്കാം

’സിവിൽ സർവീസിലേക്ക് കടന്നുവരുന്നവരുടെ പോരാട്ടത്തിന്റെ സമാനതകളില്ലാത്ത ചിത്രീകരണം.’
12th ഫെയിൽ’ എന്ന സിനിമയ്ക്ക് പ്രചോദനമായ മനോജ് കുമാർ ശർമ്മ, ഐപിഎസ്
നിരവധി വെല്ലുവിളികളുണ്ടായിരുന്നിട്ടും ലോകത്തിലെ ഏറ്റവും പ്രയാസമേറിയ മത്സര പരീക്ഷയെ തങ്ങളുടെ കഠിനാധ്വാനത്തിലൂടെ തരണംചെയ്ത ഐഎഎസ് ഉദ്യോഗസ്ഥരുടെ പ്രചോദനാത്മകമായ കഥകളാണ് യുപിഎസ്‌സി എന്ന കൊടുമുടി കീഴടക്കാം എന്ന പുസ്തകത്തിലൂടെ അവതരിപ്പിച്ചിരിക്കുന്നത്. സിക്കിമിൽ നിന്നുള്ള അന്ധയായ ഒരു പെൺകുട്ടിയും കേരളത്തിലെ ഒരു സർക്കാർ ജീവനക്കാരിയായിരുന്ന ക്ലാർക്കും കശ്മീരിലെ വിദൂരമായ ഒരു ഗ്രാമത്തിൽ ജനിച്ചുവളർന്ന പയ്യനും രാജസ്ഥാനിൽ നിന്നുള്ള ഐഐടി ബിരുദധാരി, തുടങ്ങി യുപിഎസ്‌സി എന്ന വെല്ലുവിളി ഏറ്റെടുത്ത് ദൃഢനിശ്ചയത്തോടെ പോരാടിയ ഏഴ് യുവതിയുവാക്കളുടെ അതുല്യമായ കഥകളാണ് ഈ പുസ്തകത്തിൽ പകർത്തിയിരിക്കുന്നത്.
ഈ അസാധാരണ വ്യക്തികളെ വിജയത്തിലേക്ക് നയിച്ച തന്ത്രങ്ങളും വിജയ മന്ത്രങ്ങളുമാണ് ഈ പുസ്തകത്തിലുള്ളത്. ഇത് സിവിൽ സർവീസ് നേടാൻ ആഗ്രഹിക്കുന്നവർക്ക് വിലമതിക്കാനാവാത്ത ഉൾക്കാഴ്ചകൾ നൽകുന്നു. മനക്കരുത്തിന്റെയും സമർപ്പണത്തിന്റെയും സ്വപ്നത്തിന്റെ ശക്തിയുടെയും തെളിവാണിത്. സിവിൽ സർവീസസ് അല്ല, മറ്റേതെങ്കിലും ലക്ഷ്യമായിരുന്നാൽ കൂടി, പ്രതിരോധശേഷിയുടെയും സ്ഥിരോത്സാഹത്തിൻ്റേതുമായ ഈ നേർക്കാഴ്ചകൾ വായനക്കാരെ അവരുടെ സ്വപ്നങ്ങൾ പിന്തുടരാൻ പ്രചോദിപ്പിക്കുകയും അവരെ മാനസികമായി ശക്തിപ്പെടുത്തുകയും ചെയ്യുന്നു.