അറിയാത്ത സത്യങ്ങൾ

Book Name in English : Ariyatha Sathyangal

ക്രൈസ്‌തവ സഭയുടെ ചിരപ്രതിഷ്‌ഠിതമായ വിശ്വാസങ്ങളെ ചോദ്യം ചെയ്യുന്ന കൃതി. ഏത് വിശ്വാസവും കാലത്തിനനുസരിച്ച് നവീകരിക്കപ്പെടേണ്ടതാണെന്നും യുക്ത്യധിഷ്ഠിതമായി ചിന്തിക്കണമെന്നും വ്യക്തമാക്കുന്നതോടൊപ്പം ചരിത്രത്തിന്റെ സാധുത്വം ഉള്ളതാകണമെന്നുമാണ് എഴുത്തുകാരന്റെ നിരീക്ഷണം. ക്രിസ്‌തുവിൻ്റെ ക്രൂശുമരണം മാനവവംശത്തിൻ്റെ വീണ്ടെടുപ്പിനായിരുന്നു എന്ന പൗലോസിൻ്റെ സിദ്ധാന്തം ഗ്രന്ഥകാരൻ നിരാകരിക്കുന്നു. ക്രൈസ്‌തവ വിശ്വാസത്തിൽ ബുദ്ധദർശനം ചെലുത്തിയ സ്വാധീനം ഗൗരവപൂർവ്വം പരിശോധിക്കപ്പെടേണ്ടതാണെന്ന് വാദിക്കുന്നു. യേശുക്രിസ്‌തു ആരായിരുന്നു? ദൈവപുത്രനോ ദൈവമോ ജഗദ്ഗുരുവോ? ക്രൈസ്‌തവമതം പിന്തുടരുന്നവർ ഗുരുതരമായ ഈ ചോദ്യങ്ങൾക്ക് മറുപടി കണ്ടെത്തേണ്ടതുണ്ട്. സ്വന്തം വിശ്വാസങ്ങളെ ഇളക്കി പ്രതിഷ്ഠിക്കാൻ ഈ ചോദ്യങ്ങൾ സഹായകമാകാതിരിക്കില്ല. പ്രൊഫ. ലൂക്കോസിൻ്റെ ഈ പുസ്‌തകം നമ്മെ ചിന്തയുടെ അശാന്ത മേഖലയിലെത്തിക്കുന്നു. പുതിയൊരു ദൈവശാസ്ത്രം ഈ അശാന്തിയിൽനിന്ന് ഉരുത്തിരിഞ്ഞുകൂടായ്കയില്ല.
ഡോ. ഡി. ബെഞ്ചമിൻ