ആഴിച്ചൂഴം ഉലകം

Book Name in English : Aazhi Choozhum Ulakam

കടൽ ജീവശ്വാസം പോലെ പ്രിയപ്പെട്ടതായ ഒരു കൂട്ടം മനുഷ്യരുടെ കഥയാണ് ആഴി ചൂഴും ഉലകം. തമിഴ്നാട്ടിലെ തൂത്തുക്കുടി തീരത്ത്, ഉപ്പുകാറ്റിനൊപ്പം ഐതിഹ്യങ്ങളും വിശ്വാസ ങ്ങളും ആചാരങ്ങളും ചേരുന്ന ഒരു ദേശത്തെ ജീവിതങ്ങളാണ് ഈ നോവലിൻ്റെ കാതൽ, ഓരോ ദിവസവും കടലിനോട് മല്ലിടുന്ന, ധീര തയ്ക്കും കുഠിനാധ്വാനത്തിനും അതോടൊപ്പം രൗദ്രമായ സ്വഭാവവിശേഷങ്ങൾക്കും പേരെടുത്ത മുക്കുവരുടെ സമുദായത്തിൽ കടലും കാലവും കൊണ്ടുവരുന്ന മാറ്റങ്ങളുടെ നേർക്കാഴ്ച. ഒരു അപകടം അനന്തമായ കടലിലേയ്ക്കും മരണത്തിൻ്റെ മുന്നിലേയ്ക്കും തള്ളിയിട്ട മൂന്ന് മത്സ്യ ത്തൊഴിലാളികളുടെ ഹൃദയഭേദകമായ കഥയും ഇതോട് ചേർന്നൊഴുകുന്നു.
വളരെ വിശാലമായ ഒരു ലോകത്തിലെ വേറിട്ട ജീവിതങ്ങളും അനുഭവങ്ങളും വിശദമായി പകർത്തി, വായനക്കാരനെ വിസ്മയിപ്പിക്കുന്ന ഈ നോവൽ കടലിന്റെ വൈവിധ്യമാർന്ന മുഖങ്ങളുടെ ആഘോഷമാണ്. എത്രയേറെ തിരിച്ചടികൾ നേരിട്ടാലും തോറ്റ് പിന്മാറാൻ കൂട്ടാക്കാത്ത മനുഷ്യരുടെ മനോബലത്തിനോടുള്ള ആദരവും.
മാറ്റങ്ങളുടെ തിരമാലകളെ നേരിടുന്ന മത്സ്യത്തൊഴിലാളികളുടെ പരമ്പരാ ഗതമായ അറിവിനും കരുത്തിനും മീതെ നഷ്ടബോധത്തിൻ്റെ നിറം പതിയെ കലരുന്നത് നമുക്ക് ഈ പേജുകളിൽ അനുഭവിച്ചറിയാം. മുക്കുവരുടെ മിശ്രഭാഷ, അവർ വിശ്വസിക്കുന്ന മിഥ്യകൾ, അമ്മയായ കടലിനോട് അവർക്കുള്ള അഗാധമായ സ്നേഹം... ഇതെല്ലാം ഈ നോവലിനെ അപൂർവമായ ഒരു വായനാനുഭവമാക്കുന്നു.