ജനനീനവരത്നമഞ്ജരി

Book Name in English : Jananee Navarathnamanjari

ഗുരുദേവന്റെ ദേശസഞ്ചാരത്തിനിടയ്ക്ക് ഒരിക്കൽ ശിവഗിരിയിലെ ത്തി വിശ്രമിച്ചു. അതിനുവേണ്ടി ഒരു താൽക്കാലിക പർണശാലയും നിർമ്മിച്ചിരുന്നു. ഈ പർണശാലയ്ക്കു സമീപം കുളിച്ചു കൊണ്ടിരു ന്നപ്പോൾ ഗുരുവിൻ്റെയുള്ളിൽ ഉദിച്ചതാണ് ജ്ഞാനാംബികയായ ഉമാഭഗവതിയെക്കുറിച്ചുള്ള ഈ അനുപമസ്തോത്രം. ഉടൻതന്നെ ഗൃഹസ്ഥശിഷ്യനായിരുന്ന ഏറത്ത് കൃഷ്ണനാശാനെക്കൊണ്ട് അത് പകർത്തിച്ചു.

ഈ സ്തോത്രം തൻ്റെ മനസ്സിൽ തോന്നിയ ഇടത്തുതന്നെയാണ് പിന്നീട് ശാരദാദേവിയുടെ പ്രതിഷ്ഠ അദ്ദേഹം നിർവഹിച്ചത്. ഗുരു ദേവനും ശിഷ്യപ്രമുഖരും ചേർന്ന് 80-ൽ അധികം ക്ഷേത്രപ്രതിഷ്ഠ കൾ നിർവഹിച്ചിട്ടുണ്ട്. അവയെല്ലാം അതാതിടത്തെ ജനങ്ങളുടെ അഭ്യർത്ഥന മാനിച്ച് ചെയ്തിട്ടുള്ളതാണ്. എന്നാൽ ശിവഗിരിയിലെ ശാരദാപ്രതിഷ്ഠ ഗുരു സ്വന്തം ഇഷ്ടപ്രകാരം നിർവഹിച്ച അപൂർവ പ്രതിഷ്ഠകളിൽ ഒന്നാണ്.

പ്രപഞ്ചമാതാവിനെ ജ്ഞാനേശ്വരിയും മോക്ഷദായിനിയുമായി ദർ ശിച്ച് ഗുരുദേവൻ പാടിയ സുപ്രസിദ്ധ ദേവീസ്‌തവം.