ദൈവത്തിന്റെ പെൻസിൽ

Book Name in English : Daivathinte Pencil

ദുർഗ്ഗാലഷ്മിയുടെ കവിതകളെ ആകെ ബുദ്ധദർശനത്തിന്റെ ത്യാഗനിർഭരമായ ബോധോദയം അനുഗ്രഹിച്ചു നിൽക്കുന്നുണ്ട്. ജീവിതത്തിന്റെ ശുദ്ധിയിലാണ് സെൻ ദർശനം നിലകൊള്ളുന്നത്. മനുഷ്യജന്മത്തെക്കുറിച്ചുള്ള ആകുലതകൾ ദുർഗ്ഗാലക്ഷ്മിയുടെ കവിതകളിലെ വരികൾക്കിടയിൽ കാണാം. ഒരു നിലവിളി ഓരോ കവിതയുടെ പിറവിയിലുമുണ്ട്. ദൈവത്തിൻ്റെ പെൻസിൽ എന്ന കാവ്യസമാഹാരത്തിലെ കവിതകൾ ഓരോന്നും കാലവർഷം പെയ്ത് തിമിർക്കുന്ന കന്യാവനങ്ങൾപോലെ നമ്മെ ആദ്യം വിഭ്രമിപ്പിക്കും. പിന്നെയത് സൗമ്യമായി അനുഭൂതികളുടെ ഉറവകൾ തുറക്കും. വിദൂരതയെ സ്നേഹിക്കുന്ന ഒരു ദാഹം ദുർഗ്ഗാലക്ഷ്മിയുടെ കവിതയിൽ അന്തർധാരയായുണ്ട്. കെട്ടകാലത്തെക്കുറിച്ച് വിതുമ്പുന്ന കവിയെ ഈ പുസ്‌തകത്തിലെ പല കവിതകളിലും കാണാം. പ്രണയവും, സ്നേഹവും, സത്യവും, നന്മയും എല്ലാം ചോദ്യംചെയ്യപ്പെടുന്ന കാലത്തെ അമ്പരപ്പോടെ മാറിനിന്നു കാണുകയാണ് ദുർഗ്ഗാലക്ഷ്മിയിലെ കവി.