പഞ്ചമകോകിലം - ശ്രീമദ്‌ഭാഗവതം പഞ്ചമസ്‌കന്ധ ഗദ്യഭാഗം പദംപിരിച്ചെഴുതിയത്

Book Name in English : Srimad Bhagavatam (Panchamaskantha)

ശ്രീമദ്ഭാഗവതം പഞ്ചമസ്‌കന്ധം ആകട്ടെ ആത്മാരാമനായ പ്രിയവ്രതന്റെ ചരിതത്തിൽ തുടങ്ങി, ആഗ്‌നീധ്രചരിതം, നാഭിയുടെ ചരിതം, ഋഷഭദേവ ചരിതം, ഭരതൻ, രഹുഗണൻ, ജഡഭരതൻ (ഭരതൻ മാനായും പിന്നീട് ജഡഭരതനായും ജനിച്ചു.) എന്നിവരെക്കുറിച്ചുള്ള കഥാസന്ദർഭങ്ങളിലൂടെ പുരോഗമിച്ച് നരകവർണനവരെ അവതരിപ്പിച്ചശേഷം സ്ഥലത്തിൽ സ്ഥിതിചെയ്യുന്ന മനസ്സിനെ സൂക്ഷ്‌മരൂപത്തിൽ പ്രവേശിപ്പിക്കണമെന്ന് ഉദ്ബോധിപ്പിക്കുന്നു. ഭൂമി, ജംബ്വാദി ദ്വീപങ്ങൾ, ഭാരതാദി ഖണ്ഡങ്ങൾ, ഗംഗാദിനദികൾ, ഹിമാലയാദി പർവ്വതങ്ങൾ, ആകാശം, സമുദ്രങ്ങൾ, ദിഗ്‌ഭേദങ്ങൾ, നരകലോകങ്ങൾ, നക്ഷത്രഗണങ്ങൾ എന്നിങ്ങനെ ലോക സ്വരൂപത്തെ സംഗ്രഹിച്ചു പറയുന്നു. ഈ ലോകം ആകട്ടെ ഈശ്വരൻ്റെ സ്ഥൂലരൂപമാണെന്ന് വ്യക്തമായി പറയുന്നു.