പാരിജാതം

Book Name in English : Parijatham

സാരിക്കു ഞൊറിയെടുക്കുമ്പോല്‍‍ അരുണയുടെ കണ്ണുകള്‍ ടൈം പീസിലേക്കു നീണ്ടു ചെന്നു എട്ടുമണിയാകാന്‍ പത്തുമിനിറ്റ് എട്ടുമുതല്‍ വൈകുന്നേരം ആറുമണിവരെയാണു ടെലിഫോണ്‍ ബൂത്തിലെ ജോലി സമയം . അഞ്ചുമിനിറ്റ് നടക്കാനുള്ള ദൂരമേയുള്ളു പുല്ലാറ്റ് കവലയിലെക്ക് സാരിയുടുത്തിട്ട് അല്പ്പം പൗഡറെടുത്ത് കവിളുകളിലും എണ്ണമിനുപ്പുള്ള നെറ്റിയിലും നേര്‍മയായി പൂശി . മുടി ചീകി പിന്‍ ചെയ്തു മുറുക്കി. പോകാന്‍ ഹാന്‍ഡ്ബാഗും കുടയുമെടുത്തു . അപ്പോഴാണു ഒരു ഗ്‌ളാസ് ചായയുമായി സീമ മുറിയിലേക്കു വന്നത് ’’ ഇന്നാടി ചായ’’അരുണ ചായ വാങ്ങി ഒന്നു മൊത്തി . ’’ ബാലു പോയോ?’’ അവള്‍ ചോദിച്ചു.’’ പോയി എട്ടുമണിയുടെ ബസ് കിട്ടിയില്ലെങ്കില്‍ ഒന്‍പതിനു മുന്‍പ് ക്‌ളാസിലെത്താന്‍ പറ്റത്തില്ലല്ലോ’’ സീമ പറഞ്ഞു . ഇലക്ടോണിക്സ് എടുത്തു പോളിടെക്നിക് കോളേജില്‍ ഡിപ്‌ളോമയ്ക്കു പഠിക്കുകയാണു ബാലു അവരുടെ അനുജനാണ്‌