Puthiya Pennu

Book Name in Malayalam : പുതിയപെണ്ണ്

2012 ഒടുവില്‍ തിരുവനന്തപുരത്തുവെച്ചു കൂടിയ വിശ്വമലയാള സമ്മേളനത്തിലെ കഥാസെഷനില്‍ ആയിടെ വായിക്കാനിടവന്ന രണ്ടു കഥകളെ കേന്ദ്രീകരിച്ചായിരുന്നു ഞാന്‍ പ്രധാനമായും സംസാരിച്ചത്. ഇതില്‍ ആദ്യത്തെ കഥയെഴുതിയത് പ്രശസ്ത സാഹിത്യകാരിയായ അഷിത; രണ്ടാമത്തേത് താരതമ്യേന പുതുക്കക്കാരിയായ റുബീനയും. ഈ രണ്ടു കഥകളും വന്നത് മാധ്യമം ആഴ്ചപ്പതിപ്പിലായിരുന്നു. പിന്നീട് ബ്രേക്കിങ് ന്യൂസ് എന്ന ആദ്യകഥാസമാഹാരം കോഴിക്കോട്ടുവെച്ച് പ്രകാശിപ്പിച്ചപ്പോഴാണ് റുബീന നിവാസിനെ പരിചയപ്പെടാനിടവന്നത്.

“പ്രവാസി, മുസ്‌ലിം, സ്ത്രീ എന്നീ പരിഗണനകളുടെ പിന്‍ബലമില്ലാതെതന്നെ മലയാളചെറുകഥയുടെ നടുമുറ്റത്ത് വന്നിരിക്കാനുള്ള അര്‍ഹത റുബീന നിവാസിനുണ്ടെന്ന് ഈ പുതിയ സമാഹാരത്തിലെ കഥകള്‍ തെളിയിക്കുന്നുണ്ടെന്നു പറയാന്‍ ഞാന്‍ അശേഷം മടിക്കുന്നില്ല.“
ടി. പത്മനാഭന്‍