മണ്ണും ചാരവും

Book Name in English : Mannum Charavum

അധിനിവേശകാലത്ത് റഷ്യന്‍ പട്ടാളക്കാര്‍ തീയിട്ടു ചാമ്പലാക്കിയ ഒരു ഗ്രാമത്തിലെ എല്ലാ കുടുംബാംഗങ്ങളും കൊല്ലപ്പെട്ടു. ദസ്താഗിര്‍ എന്ന പിതാവും അയാളുടെ യാസിന്‍ എന്ന പേരക്കുട്ടിയും ബാക്കിയായി. ദൂരെ ഖനിയിലെങ്ങോ ജോലി ചെയ്യുകയാണ് മുറാദ് എന്ന അയാളുടെ മകന്‍. ഈ മനുഷ്യരൂപങ്ങളെ സാക്ഷി നിര്‍ത്തി അഫ്ഗാനിസ്ഥാന്റെ ദയനീയമായ അവസ്ഥയെ പ്രതിപാദിക്കുകയാണ് ‘ മണ്ണും ചാരവും’ എന്ന ഈ നോവല്‍. തൊണ്ടയില്‍ കുടുങ്ങിയൊരു ഗദ്ഗദം; അല്ലെങ്കില്‍ ഉരുണ്ടു കൂടുന്ന ഒരിറ്റു കണ്ണുനീര്‍.”- വൈകാരികതയും കാവ്യാത്മകതയും ഇടകലര്‍ന്ന രചന. ശ്വാസം മുട്ടിക്കുന്ന ഒരനുഭവത്തിന്റെ തീവ്രതയാണിതിലെ വരികള്‍ക്ക്. നോവലിലിടനീളം വിന്യസിച്ചുട്ടള്ളത് ഇരുണ്ട ചിത്രങ്ങളാണ്. അഫ്ഗാനിസ്ഥാനിലായാലും ഇറാക്കിലായാലും അധിനിവേശത്തിന്റെ തിക്ത ഫലങ്ങള്‍ ഒന്നുതന്നെയാണ്. യുദ്ധകാലത്ത് കണ്ണുനീരൊഴുക്കിയ സ്വന്തം പിതാവിനും അതുപോലുള്ള മറ്റനേകം പിതാക്കള്‍ക്കുമായി സമര്‍പ്പിച്ചിട്ടുള്ള ഈ ഗ്രന്ഥം ഉയര്‍ത്തിപ്പിടിക്കുന്ന സന്ദേശവും ഇതത്രേ.
വിവര്‍ത്തനം കെ.പി.ബാലചന്ദ്രന്‍