ലവണം

Book Name in English : Lavanam

മനുഷ്യജീവിതത്തിന്റെ അടിസ്ഥാനരുചി ഉപ്പാണെന്ന് പറയാറുണ്ട്. വിയര്‍പ്പിനും കണ്ണീരിനും ഉപ്പുരസമാണ്. ഭൂവിസ്തൃതിയുടെ ഭൂരിഭാഗം വരുന്ന കടലിലെ വെള്ളത്തിന്റെ രുചിയും ഉപ്പുതന്നെ. കടലിലും കണ്ണിലും നിറയുന്ന അതേ ലവണമാണ് ഈ നോവലിന്റെ അടിസ്ഥാനവും. നിസ്വരും നിരാലംബരുമായ ഒരു പറ്റം മനുഷ്യരുടെ കഥ പറയുന്ന ഈ നോവല്‍ തമിഴ്‌നാട്ടിലെ തൂത്തുക്കുടി പ്രദേശത്തെ ഉപ്പളങ്ങളുടേയും അവിടെയുള്ള ദരിദ്രരായ ഗ്രമീണരുടേയും ജീവിതാവസ്ഥകള്‍ സത്യസന്ധമായി ചിത്രീകരിക്കുന്നു. ഉപ്പളങ്ങളുടെ പശ്ചാത്തലവും അവിടുത്തെ പാവപ്പെട്ട മനുഷ്യജീവിതവും മലയാളികള്‍ക്ക് തികച്ചും പുതുമയാര്‍ന്ന ഒരു വായനാനുഭവം സമ്മാനിക്കുമെന്നതില്‍ സംശയമില്ല.