ഷഹബാസ് ലൈവ്

Book Name in English : Shahabaz Live

Each new situation requires a new architecture“

നോക്കൂ! ഓരോ പാട്ടിലും ശിൽപചിന്തകളുടെ അനവധി അടരുകളുണ്ട്. ഉദാഹരണത്തിന്, അസ്തമനക്കടലിന്നകലെ എന്ന പാട്ടെടുക്കൂ! അതിലെ, ’പറഞ്ഞാലും തീരാത്ത പ്രേമ രഹസ്യം’ എന്ന ഭാഗം കൊണ്ട് വേണമെങ്കിൽ എരഞ്ഞിപ്പാലം ബൈപ്പാസിലെ ഇന്നുള്ള കളിപ്പൊയ്ക മാറ്റി ഡിസൈൻ ചെയ്യാം! ’ബച്ച്‌പൻ കിമുഹോബത്ത്’ എന്ന പഴയ പാട്ട് കൊണ്ട് മാനാഞ്ചിറയുടെ ഒരു സൈഡെങ്കിലും മാറ്റിമറിക്കാൻ പറ്റും! ലൈബ്രറിക്ക് നല്ലത്, ’മനുഷ്യൻ മതങ്ങളെ സൃഷ്ടിച്ചു’ എന്ന പാട്ട് തന്നെയാണ്.

മലപ്പുറം ജില്ല എടുക്കൂ. ’പാടി ഞാൻ മൂളക്കമാലേ ഒരു പാട്ട് തന്നാലെ’ എന്ന പുലിക്കോട്ടിൽ ഹൈദറിന്റെ ഒറ്റ വരി മതിയാകും ആനക്കയം ടൗൺ എങ്ങനെയായിരിക്കണം എന്ന് ഭാവനയിൽ കാണാൻ! The Song of Divine Wisdomഉം ബദർ യുദ്ധപ്പാട്ടം ചേർത്തുകെട്ടി മലപ്പുറം ടൗൺ ഹാൾ ഉണ്ടാക്കാം.

ഭൂലി ബിസിയും ഓത്ത്‌പള്ളിയും കൂട്ടിക്കെട്ടി വടകര താഴത്തെ അങ്ങാടി സെറ്റ് ചെയ്ത് കൂടെ?