സംസ്‌കാരപഠനം നിർവചന നിഘണ്ടു

Book Name in English : Samskarapadanam Nirvachana Nighandu

ഇരുപതാം നൂറ്റാണ്ടിൻ്റെ അവസാനപകുതിയിൽ സംസ്‌കാരകേന്ദ്രിതമായ അന്വേഷണങ്ങളും അപഗ്രഥനങ്ങളും ലോകവ്യാപകമായി അക്കാദമിക പഠനത്തിൻ്റെ ഭാഗമായി തുടങ്ങി. ഇന്ന് സംസ്‌കാരപഠനം. സാഹിത്യം. തത്വചിന്ത, ചരിത്രം, നരവംശാസ്ത്രം, സാമൂഹികശാസ്ത്രം, രാഷ്ട്രമീമാംസ, സാമ്പത്തികശാസ്ത്രം മുതലായ വൈജ്ഞാനിക ശാഖകൾക്കെല്ലാം അനിവാര്യമായിത്തീർന്നിട്ടുണ്ട്. അതുകൊണ്ടുതന്നെ സംസ്‌കാരപഠനവുമായി ബന്ധപ്പെട്ട് രൂപപ്പെട്ട നിരവധി പറങ്ങളുടെ നിർവചനം വായനക്കാർക്കും പഠിതാക്കൾക്കും ഉപകാരപ്രദമായിരിക്കും.. സംസ്‌കാര രൂപീകരണത്തെ ഇതര വൈജ്ഞാനികമണ്ഡലങ്ങൾ പോലെ വിശകലനം ചെയ്യാൻ തുടങ്ങിയതിനു ശേഷം സംസ്‌കാരവുമായി ബന്ധപ്പെട്ടും അപഗ്രഥനവുമായി ബന്ധപ്പെട്ടും നിരവധി പുതിയ സാങ്കേതികപദങ്ങൾ രൂപപ്പെട്ടിട്ടുണ്ട്. മാർക്സിസം, ചിഹ്നശാസ്ത്രം, ഘടനാവാദം, അപനിർമ്മാണം. നവചരിത്രവാദം, സ്ത്രീവാദം, പരിസ്ഥിതി പഠനം മുതലായ മേഖലകളിൽ ഊർന്നുവന്ന പുതിയ സാങ്കേതിക പദങ്ങളുമായി പരിചയിക്കേണ്ടത് സംസ്‌കാരപഠനത്തെ ഗൗരവമായി സമീപിക്കുന്ന ഏതൊരു വിദ്യാർത്ഥിക്കും ഒഴിവാക്കാനാവാത്തതാണ്.