സഖാ - The Connections

Book Name in English : Sakhaa - The Connections

വിപ്ലവ ഭൂമികയായ ആലപ്പുഴയുടെയും കണ്ണൂരിൻ്റെയും രാഷ്ട്രീയ പാരമ്പര്യവും സൗഹൃദവും പ്രണയവും കലാലയ ജീവിതവും ഒന്നിച്ചിഴ ചേർന്ന ഒരു കഥ, സഖാ - the connections.

ഇവിടുത്തെ സാധാരണ ജീവിതങ്ങളെ കടന്ന് പോകുന്ന രാഷ്ട്രീയ - സാമൂഹിക അലയൊലികൾക്കിടയിലൂടെ രൂപപ്പെടുന്ന കഥാപാത്രങ്ങൾ.ക്യാമ്പസിലെ വിദ്യാർഥി രാഷ്ട്രീയത്തിൻ്റെ ആവേശവും,മത - വർഗീയ - രാഷ്ട്രീയ സംഘർഷങ്ങളുടെ ഏറ്റുമുട്ടലും,പ്രണയത്തിൻ്റെ നൈർമല്യതയും,സൗഹൃദത്തിൻ്റെ കെട്ടുറപ്പുകളും,നഷ്ടപ്പെടലിൻ്റെയും നേടലിൻ്റെയും വൈകാരികതയും,കുടുംബ ബന്ധങ്ങളുടെ ദൃഢതയും ചേർന്ന് അനവധി മനുഷ്യ ബന്ധങ്ങളുടെ കണക്ഷനുകളാൽ രൂപം കൊള്ളുന്ന കഥയാണിത്.വ്യക്തിപരമായ ബന്ധങ്ങളും ആശയങ്ങളും തമ്മിലുള്ള പോരാട്ടങ്ങളിലൂടെയുമാണ് ഓരോ കഥാപാത്രവും വളരുന്നത്.സൗഹൃദം പ്രണയത്തിലേക്ക് മാറുന്ന വഴിയിൽ വിശ്വാസങ്ങളും ആശയങ്ങളും തമ്മിൽ കലഹമാകുന്നു.രാഷ്ട്രീയം,മതം,പ്രണയം - മൂന്ന് ശക്തികളും ഒരേ വേദിയിൽ.ആരാണ് ശരി ? ആരാണ് തെറ്റ് ? ഒടുവിൽ ആരാണ് ജയിക്കുന്നത് ? മനുഷ്യനോ ? അതോ ആശയമോ ?സൗഹൃദം രക്തബന്ധമായി മാറിയപ്പോൾ,പ്രണയം പോരാട്ടമായി തീർന്നപ്പോൾ,ആശയങ്ങൾക്കായി പൊരുതിയവരുടെ,വ്യക്തി സ്വാതന്ത്ര്യത്തിന് നിയന്ത്രണമിട്ട അലിഖിത നിയമങ്ങളുടെ ചങ്ങലകൾ പൊട്ടിച്ചെറിഞ്ഞവരുടെ, മാറ്റത്തെ മാറോടണച്ചവരുടെ കഥയാണിത്.അല്ല,ഞാനും നിങ്ങളും ഉൾപ്പെടുന്ന ഒരു വർത്തമാന കാലഘട്ടത്തിൻ്റെ ജീവിതമാണിത്, സഖാ - the connections.