ടെലിവിഷ‌ന്‍ പഠനങ്ങള്‍

Book Name in English : Television Padanangal

മലയാളിയുടെ ധാര്‍മ്മികവും നൈതികവുമായ അന്തരീക്ഷത്തെ ഇന്ന് സൃഷ്ടിക്കുന്നതും പുലര്‍ത്തുന്നതും ടെലിവിഷനാണ് . അവിടെയാണ് മലയാളി ഇന്ന് ശ്വസിക്കുന്നതും ഉച്ഛ്വസിക്കുന്നതും . നമ്മുടെ ജീവിത മേഖലകള്‍ക്കെല്ലാമിടയില്‍ അരിപ്പയായും കണ്ണാടിയായും വര്‍ണ്ണസ്ഫടികമായും അതു വര്‍ത്തിക്കുന്നു . നമ്മുടെ പൗര മണ്ഡലത്തില്‍ പ്രധാനമേത് അപ്രധാനമേത് പൊതു സമയവും ധനവും ചിലവഴിക്കേണ്ട വിഷയമേത് എന്നൊക്കെ തീരുമാനിക്കുന്നതും അവയെ ഇടതടവില്ലാതെ മറ്റൊരു വിഷയത്തിനും കടന്നുവരാനാവാത്തവണ്ണം നമ്മുടെ ശ്രദ്ധാകേന്ദ്രത്തില്‍ നിലനിര്‍ത്തുന്നതും ടെലിവിഷ‌ന്‍ വ്യവഹാരങ്ങളാണ് . നമ്മുടെ ’ രാഷ്ട്രീയ യാഥാര്‍ഥ്യം ’ തന്നെ ഇന്ന് ടെലിവിഷനാണ് . വീട്ടിലും തെരുവിലും പൊതുഇടങ്ങളിലും തൊഴിലിടങ്ങളിലും നമ്മള്‍ അനുഭവിക്കുന്നതും നേരിടുന്നതുമായ ജൈവികജീവിതത്തെക്കാള്‍ യാഥാര്‍ഥമായി മാറിയിരിക്കുന്നു . ടെലിവിഷ‌ന്‍ അനുഭവം നമുക്കു പുറത്തുമാത്രം നടക്കുന്ന ഒന്നല്ല അത് . ഒരേ സമയം നമ്മുടെയും സമൂഹത്തിന്റെയും പ്രതിഫലനവും പ്രതിബിമ്പവും ആത്മ ബിംബവുമാണത് .
’ നമ്മെയൊക്കെയും ബന്ധിക്കുന്ന ഈ ജ്യോതിസ്വരൂപത്തെക്കുറിച്ച് അറിയാനുള്ള ശ്രമമാണ് ഈ ലേഖന സമാഹാരം ’ .