ഭാഷാമാധുരി

Book Name in English : Bhashamadhuri

മലയാളസാഹിത്യത്തിലും ഭാഷയിലുമുള്ള അടിസ്ഥാനഗ്രന്ഥങ്ങൾ പരിശോധിച്ചു തയ്യാറാക്കിയിട്ടുള്ള ഈ ഗ്രന്ഥത്തിൽ അലങ്കാരം, വൃത്തം, കേരളപാണിനീയം പീഠിക, അക്ഷരമാല, സന്ധി, ശബ്ദവിഭാഗം, വാചകം, വിഭക്തി, വചനം, കാരകം, തദ്ധിതം, പ്രകാരം, സമാസം തുടങ്ങിയ താത്ത്വികപാഠങ്ങൾ ലക്ഷ്യ ലക്ഷണരീതിയിൽ വിവരിച്ചിട്ടുണ്ട്. ഭാഷാഭൂഷണവും വൃത്തമഞ്ജരിയും കേരളപാണിനീയവും ഇന്നും ഭാഷാപഠനത്തിൻ്റെ അടിസ്ഥാനഗ്രന്ഥങ്ങളാണ്. ഈ കൃതികളിലെ പ്രമാണങ്ങൾ ലളിതമായി അവതരിപ്പിക്കാൻ ഒറ്റശ്ശേഖരമംഗലം വിജയകുമാർ ശ്രമിച്ചിട്ടുണ്ട്. സാധ്യമായ ഇടങ്ങളിൽ പുതിയ ഉദാഹരണങ്ങൾ പാഠവിശദീകരണം എന്ന രീതിയാണ് ഗ്രന്ഥരചനയിൽ അദ്ദേഹം പിന്തുടർന്നത്.
തിരുമധുരത്തിലെ ഇനിയുള്ള ഭാഗങ്ങൾക്ക് മുഖ്യമായും ചോദ്യോത്തരസ്വഭാവമാണുള്ളത്. സിനിമ, നാടകം, പത്രമാസികകൾ, അവാർഡുകൾ, തൂലികാനാമങ്ങൾ, ഗ്രന്ഥങ്ങളും ഗ്രന്ഥകർത്താക്കളും, കൃതികൾ കഥാപാത്രങ്ങൾ, ചില പ്രധാന വിപരീതപദങ്ങൾ, പര്യായപദങ്ങൾ, ഒറ്റപ്പദങ്ങൾ, ചോദ്യമാതൃകകൾ, ശൈലിപരിശുദ്ധി, വാക്യശുദ്ധി, പഴഞ്ചൊല്ലുകൾ എന്നിവ സംബന്ധിച്ച് ഒരു ഉദ്യോഗാർത്ഥി അറിഞ്ഞിരിക്കേണ്ട കാര്യങ്ങൾ തൃപ്‌തികരമായി ഈ ഭാഗത്തുൾക്കൊള്ളിച്ചിട്ടുണ്ട്.
വിദ്യാർത്ഥികൾക്കും ഉദ്യോഗാർത്ഥികൾക്കും ഭാഷാപ്രണയികൾക്കും വഴികാട്ടിയും തിരുമധുരംപോലെ ആസ്വാദ്യകരവുമാണ് ഒറ്റശ്ശേഖരമംഗലം വിജയകുമാറിൻ്റെ ഭാഷാമാധുരി
അവതാരികയിൽ /ഡോ. നടുവട്ടം ഗോപാലകൃഷ്ണ‌ൻ