വീരയുഗനായകൻ വേൾപാരി - 2 വാല്യം

Book Name in English : Veerayuganayakan Velpari - 2 Volumes.

ഇതിഹാസതുല്യമായൊരു നോവൽ. കേരളഭൂമിയുൾപ്പെടുന്ന പ്രാചീന തമിഴകത്തിന്റെ സംസ്കൃതിയുടെയും ചരിത്രത്തിന്റെയും അടരുകൾ തേടിയുള്ള ഒരു ബൃഹദ്സഞ്ചാരം. ചേരനും ചോളനും പാണ്ഡ്യനും യവനന്മാരുമടങ്ങുന്ന മഹാസഖ്യത്തിനെതിരേ ഒറ്റയ്ക്കു പടപൊരുതിയ വേൾപാരി എന്ന വീരനായകന്റെ ചരിതം. നാമിന്നോളം കണ്ടിട്ടും കേട്ടിട്ടുമില്ലാത്ത സംഘകാലത്തെ വനലോകത്തിന്റെ ഹരിതദൃശ്യങ്ങളുടെ വിവരണം. പ്രകൃതിയുടെ ശ്രേഷ്ഠസമ്പത്തുകൾ കാത്തുരക്ഷിക്കാൻ, അതേ പ്രകൃതിയെ കൂട്ടുപിടിച്ച് മഹാസമ്രാട്ടുകളെ പരാജയപ്പെടുത്തിയ വീരയുഗനായകൻ വേൾപാരിയുടെ വിസ്മയാവഹമായ ഈ കഥ മലയാളിവായനക്കാർക്കും ഒരു നവ്യാനുഭവമായിരിക്കും. കാവൽക്കോട്ടം എന്ന കൃതിയിലൂടെ കേന്ദ്രസാഹിത്യ അക്കാദമി അവാർഡ് നേടിയ സു. വെങ്കിടേശന്റെ ഏറ്റവും മികച്ച കൃതി.