ആർക്കും ആരുമല്ലാത്ത എല്ലാവർക്കും വിഷാദത്തെപ്പറ്റി ഒരു കൈപ്പുസ്തകം

Book Name in English : Aarkum Aarumallatha Ellavarkkum

ഒരു ചിരി കടം തരുമോ? കുറച്ചു സ്നേഹം കടം തരുമോ? പലിശസഹിതം ഞാൻ പിന്നീട് തിരികെ തന്നുകൊള്ളാം. വിഷാദം വലിച്ചുമുറുക്കിയ മുഖത്ത് ഒരു ചിരി പടർന്നാൽത്തന്നെ തകർന്നുപോകുന്ന പിരിമുറുക്കങ്ങളുണ്ട്. കുറച്ചു സ്നേഹം, അതിലൂടെ വരുന്ന പ്രതീക്ഷ... അങ്ങനെ ഉള്ളിൽപ്പടരുന്ന വലിയൊരു വെളിച്ചമുണ്ട്. പലപ്പോഴും കുറേ ദൂരം പിന്നെയും മുന്നോട്ടു പോകുവാൻ അതു മതിയാകും.
വിഷാദംപിടിച്ച മനസ്സിൽ എല്ലാം കരച്ചിലായി മാറിക്കൊണ്ടിരിക്കുമ്പോൾ. ’എന്തുകൊണ്ട് ആരും എന്നെ കാണുന്നില്ല. കേൾക്കുന്നില്ല. മനസ്സിലാക്കുന്നില്ല!’ എന്നത് പല കരച്ചിലുകളിലെ ഒരു കരച്ചിലാകുമ്പോൾ, ഒരു വലിയ വിഷമം എടുത്തുമാറ്റാൻ പറ്റാത്ത ഭാരമായി ഉള്ളിലങ്ങനെ കനംവെച്ചു കൊണ്ടിരിക്കുമ്പോൾ. ചോദ്യങ്ങൾ ഒരു നിസ്സഹായതയായി മനസ്സിൽ പിന്നെയും പിന്നെയും മുഴങ്ങുമ്പോൾ എങ്ങനെയാണ് നാളെയിലേക്ക് നടക്കാനാവുക എന്ന കടുപ്പമേറിയ ചോദ്യം സ്വയം ചോദിക്കേണ്ടിവന്ന ഒരു മനുഷ്യൻ നൽകുന്ന സ്നേഹസമ്മാനം.