Dracula -1958-

Book Name in Malayalam : ഡ്രാക്കുള -1958-

കാർപ്പാത്യൻ മലനിരകളിൽ സ്ഥിതി ചെയ്യുന്ന ഡ്രാക്കുളമാളികയിലേയ്ക്ക് ലൈബ്രേറിയനായി ജോലി ചെയ്യാൻ പോകുകയാണ് ജോനാതൻ ഹാർക്കർ. തൻ്റെ ഭവനത്തിലേയ്ക്ക് ഊഷ്‌മളമായി സ്വാഗതം ചെയ്യുന്ന ഡ്രാക്കുളപ്രഭു; മാളികയിൽ നിന്ന് തന്നെ രക്ഷിക്കണമെന്നപേക്ഷിക്കുന്ന സുന്ദരിയായ ഒരു യുവതി; വിജനമായ ഇടനാഴികളും ദുരൂഹമായൊരു നിലവറയും ശവക്കല്ലറകളും. എന്തെല്ലാം അനുഭവങ്ങളാണ് അവിടെ ജോനാതനെ കാത്തിരിക്കുന്നത്?
രക്ഷസുകളുടെ ശക്തിയും ദൗർബല്യങ്ങളുമറിയാവുന്ന ഡോ. അബ്രഹാം വാൻ ഹെൽസിങ് രംഗപ്രവേശം ചെയ്യുന്നതോടെ രാത്രിയുടെയും പകലിന്റെയും ലോകങ്ങൾ തമ്മിലുള്ള ഭീതിജനകമായ ഒരു പോരാട്ടമാരംഭിക്കുകയായി.
ബ്രാം സ്റ്റോക്കറുടെ ക്ലാസിക് ഹൊറർ നോവലിനെ ആസ്‌പദമാക്കി ഹാമർ സ്റ്റുഡിയോ ഒരുക്കിയ പ്രസിദ്ധമായ ചലച്ചിത്രം-ഡ്രാക്കുള (1958) യുടെ പുനരാഖ്യാനവും പഠനവുമാണ് ഈ ഗ്രന്ഥം. ബ്രിട്ടീഷ് ഗോഥിക് സിനിമയിലെ അവിസ്മരണീയ സൃഷ്‌ടിക്ക് ഒരാമുഖം.