നാരായണ സ്മൃതി

Book Name in English : Narayana Smrti

ഉത്തമജീവിതം നയിക്കുന്ന മനുഷ്യൻ ജീവിതത്തിൽ എന്തൊക്കെ അനുഷ്ഠിച്ചിരിക്കണം. എന്തൊക്കെ ചെയ്യാൻ പാടില്ല? ഇതു സംബന്ധിച്ചു വ്യക്തമായ നിർദ്ദേശങ്ങൾ തരുന്ന ശാസ്ത്രമാണ് സ്‌മൃതികൾ. മനുസ്‌മൃതി, യാജ്ഞവ ലക്യസ്മൃതി, പരാശരസ്‌മൃതി ഇതൊക്കെ ഉദാഹരണങ്ങൾ. സ്മൃതികളിൽ പഠിപ്പിക്കുന്നതു ശാശ്വതസത്യമല്ല. അത് കാല മനുസരിച്ചും ദേശമനുസരിച്ചും മാറിക്കൊണ്ടിരിക്കും. ശാശ്വത സത്യങ്ങൾ പഠിപ്പിക്കുന്ന ശാസ്ത്രഗ്രന്ഥങ്ങൾ ശ്രുതികളാ
സ്മൃതികളിൽ നിർദ്ദേശിച്ചിരിക്കുന്ന നിയമങ്ങൾ കാലഹര ണപ്പെട്ടുപോയാൽ വേണ്ടത്, സ്‌മൃതികളെ കുറ്റം പറയുകയല്ല. പുതിയ സ്മൃതി ഉണ്ടാക്കുകയാണ്, നിയമസഭകൾ പുതിയ നിയമങ്ങൾ ഉണ്ടാക്കുന്നതുപോലെ.
നാരായണഗുരുവിൻ്റെ ദർശനത്തിൻ്റെ അടിസ്ഥാനത്തിൽ ആധുനിക യുഗത്തിൽ എങ്ങനെ ഉത്തമ ജീവിതം നയിക്കാം? അക്കാര്യം വ്യക്തമാക്കാനായി ഗുരുവിന്റെ നിർദ്ദേശപ്രകാരം ശിഷ്യൻ ആത്മാനന്ദസ്വാമി രചിച്ചതാണ് നാരായണ സ്മൃതി.
ഒരു ജാതി ഒരു മതം ഒരു ദൈവം മനുഷ്യന്, പഞ്ചധർമ്മങ്ങൾ, പഞ്ചശുദ്ധികൾ ജീവിതത്തിലെ പ്രസവം, ബ്രഹ്മചര്യം, വിവാ ഹം, ഗാർഹസ്ഥ്യം, സന്ന്യാസം എന്നീ ഘട്ട ങ്ങ ളിൽ എന്തെല്ലാം ചെയ്യണം, മരണാനന്തരക്രിയ ഇക്കാര്യങ്ങളെ സംബന്ധിച്ച് വ്യക്തമായ നിർദ്ദേശങ്ങൾ നാരായണഗുരു ഇതിൽ നല്‌കിയിരിക്കുന്നു.
സംസ്കൃതത്തിലുള്ള മൂലത്തിൻ്റെ സാരം മലയാളത്തിലാ ക്കിയത് സ്വാമി മുനിനാരായണ പ്രസാദ്.