ഓഷോ അനശ്വരതയുടെ ദർശനം

Book Name in English : Osho Anashwarathayude Darshanam

ഓഷോ അനശ്വരതയുടെ ദർശനം PHILOSOPHIA PERENNIS Talks on Pythagoras, the Philosopher and Mystic
അതിപുരാതനവും, ലോകത്തിന് വളരെ കുറച്ചുമാത്രം അറിവുള്ളതുമായ, പൈതഗോറസിൻ്റെ പ്രബോധനങ്ങളാണ് അനശ്വരതയുടെ ദർശനത്തിൽ ഓഷോ വിശകലനം ചെയ്യുന്നത്. പൈതഗോറസിൻ്റെ പേര് സാധാരണയായി ഗണിതവുമായി ബന്ധപ്പെട്ടാണ് കാണപ്പെടാറുള്ളത്. എന്നാൽ ഇവിടെ നമുക്ക് അദ്ദേഹത്തിന്റെ തികച്ചും വ്യത്യസ്‌തമായൊരു ചിത്രം ലഭിക്കുന്നു. ഒരേസമയം ബാഹ്യ-ആന്തരിക ലോകങ്ങളുടെ പര്യവേക്ഷകനായും, യുക്തിയിലധിഷ്ഠിത മായ പടിഞ്ഞാറിനെയും ആദ്ധ്യാത്മികതയിലധിഷ്‌ഠിതമായ കിഴക്കിനെയും സമന്വയിപ്പിക്കുന്ന പാലമായും, പൈതഗോറസ് തൻ്റെ നിഗൂഢവിദ്യാലയത്തിൽ ആത്മീയതയും ശാസ്ത്രവും ഒരുപോലെ പഠിപ്പിക്കുകയുണ്ടായി.
പൈതഗോറസിൻ്റെ ജ്ഞാനം വായനക്കാരിലേക്ക് എത്തിക്കുക മാത്രമല്ല, അദ്ദേഹത്തിന്റെ രണ്ട് നിയമങ്ങളായ ആവശ്യകത, കരുത്ത് എന്നിവയെക്കുറിച്ച് ഓഷോ, വിശദമായി ചർച്ച ചെയ്യുന്നുമുണ്ട്. യുക്തിക്കും ഭക്തിക്കും അതീതമായി. മാനവികതയ്ക്ക് ഊന്നൽ നൽകുന്ന പൈതഗോറസിൻ്റെ സുവർണ്ണ വചനങ്ങൾ, ഒരു പുതുലോകത്തിൻ്റെ സൃഷ്ടിയും പുതിയ മനുഷ്യൻ്റെ കടന്നുവരവും സാധ്യമാക്കുമെന്ന് ഓഷോ ഇവിടെ വ്യക്തമാക്കുകയാണ്