Njanum Ente Kettyolum Kuttyolum

Book Name in Malayalam : ഞാനുമെന്റെ കെട്ട്യോളും കുട്ട്യോളും

നർമ്മത്തിലൂടെ ജീവിതയാഥാർത്ഥ്യങ്ങൾ ആഖ്യാനം ചെയ്യുന്ന കഥാകൃത്താണ് അനിൽ അരിനല്ലൂർ. സമകാലിക സംഭവങ്ങളെ നർമ്മമധുരമായി ആവിഷ്കരിക്കുന്നതിലുള്ള പാടവമാണ് ഈ പുസ്തകത്തിലെ ചെറുകുറിപ്പുകളിൽ കാണുവാൻ സാധിക്കുന്നത്. കഥയായും നർമ്മലേഖനമായുമൊക്കെ വായിച്ചുപോകാം. ആധുനിക രാഷ്ട്രീയ-സാമൂഹിക-സാംസ്കാരിക മേഖലകളിലെ വിഷയങ്ങളെ സൂക്ഷ്മമായി നിരീക്ഷിച്ചതിൽനിന്നും പിറവി കൊണ്ടതാണ് ഓരോ കഥയും. ചിരിക്കാനും ചിന്തിക്കാനും വകയേകുന്ന ഗൗരവതരമായ വിഷയങ്ങളാണ് എഴുത്തുകാരൻ തിരഞ്ഞെടുത്തിരിക്കുന്നത്. പുത്തൻ കാലത്തിന്റെ നോവുകൾ ഒളിപ്പിച്ചുവച്ചിരിക്കുന്ന ഓരോ കഥയും ചിരിതൂവുന്നതാണെങ്കിലും കേരളീയസമൂഹത്തിന്റെ പ്രശ്നങ്ങളാണ് ആലേഖനം ചെയ്തിരിക്കുന്നത്. നർമ്മമധുരമായ രചനകൾ.