നാരായണ ഗുരു അറിവ്

Book Name in English : Narayana Guru Arivu

വേദാന്തം ബ്രഹ്മവിദ്യയാണ്. ബ്രഹ്മത്തെ സംബന്ധിക്കുന്ന ശാസ്ത്രമാണ് ബ്രഹ്മവിദ്യ. ബ്രഹ്മസത്യം സ്വരൂപത്തിൽ ചിത്താണ്. അതായത്, അറിവാണ്. ആത്യന്തികമായി നോക്കിയാൽ അറിവിനെ സംബന്ധിക്കുന്ന ശാസ്ത്രമാണ് വേദാന്തം എന്നർത്ഥം. അറിവിനെ സംബന്ധിക്കുന്ന ശാസ്ത്രത്തെ പാശ്ചാത്യ തത്ത്വചിന്തയിൽ ’എപ്പിസ്‌റ്റമോളജി’ എന്നു വിളിക്കുന്നു. പാശ്ചാത്യ തത്ത്വചിന്തയിലെ പ്രധാനപ്പെട്ട ഒരു പഠനവിഷയമാണത്. എന്നാൽ അങ്ങനെയൊരു വിഷയം ഭാരതീയ തത്ത്വചിന്തയിൽ കാണാനേയില്ല. ഭാരതീയ തത്ത്വചിന്തയുടെ മകുടമായിരിക്കുന്ന വേദാന്തം സാരത്തിൽ ’എപ്പിസ്‌റ്റമോളജി തന്നെയായതുകൊണ്ടാണ്, വേദാന്തത്തിൽ എപ്പിസ്‌റ്റമോളജിയെ പ്രത്യേക പഠനവിഷയമാക്കാത്തത്.
അദ്വൈതദർശനത്തെ, അറിവിനെ സംബന്ധിക്കുന്ന ശാസ്ത്രമായി’ ദർശിച്ചാൽ എങ്ങനെയിരിക്കും? അതാണ് നാരായണഗുരു അറിവ് എന്ന ചെറുകൃതിയിൽ വെളിപ്പെടുത്തുന്നത്. 60 വരികളുള്ള ഈ കൃതിയിലെ ’ ഓരോ വരിയും തുടങ്ങുന്നത് അറിവ്’ എന്ന വാക്കു കൊണ്ടാണ്, ഗുരു എത്ര നിഷ്‌കർഷയോടെയാണ് ഇതെഴുതിയതെന്ന് അതിൽ നിന്ന് വ്യക്തമാകും. ഇതു പഠിക്കുന്നയാളിനും വേണം ആ നിഷ്‌കർഷത. അങ്ങനെയുളളവർക്ക് പ്രയോജനപ്പെടത്തക്കവണ്ണമുള്ളതാണ്. സ്വാമി മുനിനാരായണപ്രസാദിൻ്റെ ഈ വ്യാഖ്യാനം.