Oru Cheetha Cinemayude Shoottingum

Book Name in Malayalam : ഒരു ചീത്ത സിനിമയുടെ ഷൂട്ടിംഗും മറ്റു കഥകളും

നമ്മുടെ വർത്തമാനകാലത്തിനു നേർക്കു പിടിച്ച ഒരു കണ്ണാടിയാണ് സാറാജോസഫിൻ്റെ കഥകൾ. ക്ഷോഭിക്കുമ്പോഴും അവ കപാർദ്രമാണ്. സത്യങ്ങളോട് ഏറ്റുമുട്ടുമ്പോൾ ആ കഥകളിൽ നിന്നു കേൾക്കാനാവുക, ഭൂതദയയിൽ നിന്നുണ്ടാകുന്ന ഒരുതരം പാരുഷ്യമാണ്. ഐറണിയുടെ കരുത്ത് സാറാജോസഫിന്റെ കഥകൾക്ക് ഇരട്ടിബലമാണ് നൽകുന്നത്. വിവേകവും നർമബോധവുമുള്ള സ്ത്രീ എങ്ങനെ അതിജീവിക്കുന്നു എന്ന് ആ കഥകൾ സാക്ഷ്യം പറയുന്നു. തന്നെത്തന്നെയും ലോകത്തെയും അപനിർമിക്കുവാൻ ഈ നർമബോധവും കൂസലില്ലായ്‌മയും വിട്ടുവീഴ്ച‌യില്ലാത്ത സമഗ്രമായ സമർപ്പണബോധവും സാറാജോസഫിന് കരുത്തു പകരുന്നു അവരുടെ കഥാപാത്രങ്ങൾ വായനക്കാരുടെ മനസ്സിലും ശരീരത്തിലും മാത്രമല്ല അവരെ നിലനിർത്തുന്ന മണ്ണിൻ്റെ അടിത്തട്ടിൽ വരെ അടയാളങ്ങൾ രേഖപ്പെടുത്തുന്നു. സത്യത്തിൻ്റെ ചിറകുകളിൽ അനായാസം പറക്കാൻ ആ കഥകൾ വായനക്കാരെ പ്രാപ്‌തരാക്കുന്നു.

എസ്. ശാരദക്കുട്ടി