സൗഹൃദത്തിനൊരു സമർപ്പണം

Book Name in English : Souhruthathinoru Samarpanam

ഒരു ദശകത്തോളം മോസ്കോയിൽ സോവിയറ്റ് വിദ്യാർത്ഥികളോടും ലോകത്തിന്റെ വിവിധ രാജ്യങ്ങളിലെ സഹവിദ്യാർത്ഥികളോടും ഒപ്പം വൈദ്യപഠനത്തിന് അവസരം ലഭിച്ച ഒരു ഇന്ത്യൻ ഡോക്ടറുടെ ഓർമ്മക്കുറിപ്പുകളാണ് ഈ പുസ്‌തകം.
വിവിധ സംസ്കാരങ്ങളിൽ നിന്നുവന്ന വിദ്യാർത്ഥികളുമായി ഒന്നിച്ച് ജീവിക്കാനും ചിന്തിക്കാനും, അവരുടെ ആശങ്കകളും സന്തോഷങ്ങളും സങ്കടങ്ങളും പങ്കിടാനും അനുഭവിച്ചറിയാനും കഴിയുക എന്നത് വളരെ അസാധാരണമായ അനുഭവമാണ്. ചരിത്രത്തിലെ വളരെ കാതുകകരമായ ഒരു കാലഘട്ടത്തിലെ ജീവിതത്തെ നർമ്മബോധത്തോടെ വിവരിക്കാൻ ഡോ. പി. ഹരികുമാർ ശ്രമിക്കുന്നു. യു. എസ്. എസ്. ആർ എന്ന കമ്മ്യൂണിസ്‌റ്റ് സാമ്രാജ്യത്തിന്റെ ഇരുമ്പ്‌മറയ്ക്കുള്ളിലെ ജീവിത ശൈലിയെയും, പാഠ്യപദ്ധതിയെയും, സോവിയറ്റ് ചരിത്രത്തെയും ഒരു വിദ്യാർത്ഥിയുടെ കണ്ണിലൂടെ നോക്കിക്കാണുകയാണ് ഗ്രന്ഥകാരൻ. അതോടൊപ്പം മൂപ്പത്തിയഞ്ച് വർഷത്തിനുശേഷം ഈ സാമ്രാജ്യത്തിന് സംഭവിച്ച മാറ്റങ്ങളും, തളർച്ചയും, വളർച്ചയും നേരിട്ട്കണ്ട് തന്റെ അനുഭവങ്ങൾ കൂടി ഈ പുസ്‌തകത്തിൽ വിവരിക്കുന്നു. ഗൃഹാതുരത്വം ചുരത്തുന്ന വികാരവിചാരങ്ങളിലേക്ക് വായനക്കാരെ നയിക്കാൻ ഗ്രന്ഥകാരന് സാധിച്ചിരിക്കുന്നു.