കാലമെഴുതിയ നക്ഷത്രമിഴികൾ

Book Name in English : kalamezhuthiya Nakshathramizhikal

’കാലമെഴുതിയ നക്ഷത്ര മിഴികൾ’ അത്യധികം കൗതുകത്തോടെയാണ് വായിച്ചത്. ഗ്രീസിന്റെ മണ്ണിലൂടെ നടത്തിയ ഒരു സഞ്ചാരത്തിൻ്റെ നേർക്കാഴ്ചകൾ അവതരിപ്പിക്കുന്ന ഈ ഗ്രന്ഥം വായിച്ചപ്പോൾ അവിടുത്തെ കുന്നുകളും താഴ്വരകളും മനസ്സിൽ ഓടിയെത്തി. ഗ്രീക്ക് ജനതയുടെ ഉയർന്ന ചിന്തയും ആ മണ്ണിൽ പിറന്ന തത്വചിന്തകരുടെ ഉന്നതമായ വിചാരങ്ങളും മനസ്സിനെ തൊട്ടുതലോടി. ഇങ്ങനെ ഓരോ അദ്ധ്യായങ്ങൾ ഒരു നോവൽപോലെ വായിക്കാവുന്ന ലളിതമധുരമായ കാവ്യഭാഷയും ആശയസംവേദനവും സാംസ്ക്കാരിക പ്രകാശനത്തിലേക്ക് വഴിനടത്തുന്നു.
മാനവസംസ്കാരത്തിന്റെ, തത്വചിന്തകളുടെ ഈറ്റില്ലമായ ഗ്രീസിന്റെ സ്വാതന്ത്ര്യപോരാട്ടം വിശ്വമാനവികതയുടെ വെ ളിച്ചമായിരിന്നു. ലോകത്തെ വിസ്മയിപ്പിച്ച, ഇന്നും ജ്വലിച്ചുനില്ക്കുന്ന യവനകലയുടെ മൂർത്തഭാവങ്ങൾ യാതൊരു അതിശയോക്തിയുമില്ലാതെ കാവ്യാത്മകമായിത്തന്നെ ഗ്രീസിന്റെ അന്തർധാരയിലേക്ക് വായനക്കാരനെ കൊണ്ടുവരുന്നു